Liquiça 19 Janeiru 2023 Durante fulan hirak nia laran halao’o konstrusaun ba laboratório Siénsia no Matemátika iha ESGP Hu Iso Lara Iso de Liquiça no fin iha duni nia rezultadu hodi hari Knua Sentrál ba Prátika Siénsia no Matemátika ho nia aula ne’ébe luan no fasilidade kompletu iha material ba prátika Siénsia no Matemátika  hodi fasilita estudante sira bele aprende hala’o prátika kona ba Siénsia no Matemátika.

Komisaun Nasionál Timor Leste ba UNESCO (KNTLU) husi ekipa Siénsia servisu hamutuk ho Ministériu Edukasaun, Juventude no Desportu (MEJD) halao’o inaugurasaun ba laboratório Siénsia no Matemátika iha ESGP Hu Iso Lara Iso de Liquiça no mos intrega projetu ba (MEJD), inaugurasaun ne’e hetan rekoinese asina plaka husi Ministru Edukasaun, Juventude no Desportu (MEJD) Senhor Dr. Armindo Maia, Embaixador Japaun Sr. Kimura Tetsuya no Diretor UNESCO Jakarta Sr. Mohamed Djlid no mos hetan bensaun husi amu parko Liquiça.

Tuir informasaun laboratório ne’ébe establese hamutuk 9 mak hanesan Eskola EBC Venâncio Ferraz Ainaro, EBC 03 Vila-Nova Baucau, EBC 01 Maliana Bobonaro, EBC Ladi Covalima, ESGP Nino Koni Santana Lautem, ESGP Hu Iso Lara Iso de Liquiça, EBC Vasco da Gama Manatuto, EBC Babulo Manufahi no EBC Cabira Oan Viqueque. Knua Sentrál ba Prátika Siénsia no Matemátika hari ba Ensinu Báziku 2 ciclo iha Timor Leste atu halo dezenvolvimentu ba setor edukasaun area Siénsia no Matemátika, laboratório refere hetan suporta maximu husi UNESCO Jakarta, Povo Japaun liu husi Governo Japaun.

Partisipa ba atividade ne’e Ministru (MEJD), Embaixador Japaun, Dirétor UNESCO Jakarta, Sekretariu Ezekutiva (KNTLU), Dirétor Ensinu rekorente, Dirétor (MESSK) , Ajente administrador Liquiça, dirétor ESGP Hu Iso Lara Iso de Liquiça, estudante no mestri sira.

Loading

Leave a Reply

Your email address will not be published. Required fields are marked *