Ainaro 14/03/2023 Komisaun Nasionál Timor leste ba UNESCO (KNTLU) liu husi devisaun Komunikasaun no Informasaun kontinua halao verifikasaun ba dadus memoria do mundo hamutuk 35 dadus durante loron 3 iha Suku Ainaro Villa Munisipiu Ainaro, Dadus hirak ne’e  rekoila durante fulan hirak nia laran, ekipa terenu tun ba baze foti dadus direitamente iha autor hirak ne’ébe nain ba sasan fotografia antiga hirak ne’e no halo intervista badak ho autor konta istoria kona ba fotografia sira ne’e.

Programa ne’e husi Ministeriu Ensino Superior, Siensia no Kultura (MESSK) liu husi servisu Komisaun Nasionál Timor Leste ba UNESCO (KNTLU) atu rekoila dadus sasan antiga hirak ne’ebe hodi valorija  rai didiak dadus sira ne’e labele hetan estragus no halo transforma ba digital atu Promove no Salvaguarda Patrimóniu Mundial Dokumentál.

Objetivu husi verifikasaun dadus ne’e atu hatene lolos katak dadus hirak klaru hanesan foti iha terenu no ekipa  hare rasik sasan antiga hanesan fotografia no hasoru direita ho nain ba sasan, nune ekipa mos desemina informasaun kona ba Promove no Salvaguarda Patrimóniu Mundial Dokumentál , oinsa proteja sasan antiga hirak husi dejastre ruma atu nune labele hetan estragus persija valorija dadus no rai didiak sasan sira ne’e ho seguru, proteze halo transforma ba digital sai hanesan memoria atu nune jerasaun foun sira bele hare no asesu.

Loading

Leave a Reply

Your email address will not be published. Required fields are marked *