Lautem, 2 de Julhu 2026 – Komisaun Nasional Timor-Leste ba UNESCO organiza semináriu ida atu hasa’e koñesimentu kona-ba importánsia preservasaun no salvaguarda patrimóniu dokumentál hanesan parte ida hosi identidade no memória kolektiva nasaun.
Programa Memória do Mundu, ne’ebé lidera husi UNESCO, fó oportunidade ba nasaun sira atu rejista dokumentu sira ne’ebé iha valor istóriku, kulturál no universál, atu bele proteje no transmite ba jerasaun oin mai.
Liu hosi semináriu ida ne’e, partisipante sira sei aprende kona-ba prosesu rejistu, kritériu avaliasaun, no estratéjia sira atu fortalece jestaun patrimóniu dokumentál iha Timor-Leste. Inisiativa ida ne’e mos hanesan oportunidade atu hametin kooperasaun entre instituisaun governamentál, arkivu, biblioteka, universidade no parseiru sira atu hamutuk salvaguarda dokumentu importante sira ba futuru.
Proteje ita-nia patrimóniu dokumentál ohin, hodi hadia futuru ba jerasaun sira aban.