Timor-Leste marka istória signifikante ida iha nivel global, ho Aprovasaun offisial Parke Nasional Nino Konis Santana nu’udar Rezerva Biosfera Mundial UNESCO, Designasaun ida-nee mak hanaran REZERVA BIOSFERA NINO KONIS SANTANA. Anúnsiu ida-ne’e hala’o iha sesaun enkontru ba dala 38 International Coordination Council of Man the Biosphere (ICC-MAB) iha Itaipu Biosphere Reserve, Hernandarias, Paraguay husi Loron 3-6 Juñu 2026,
Delegasaun Timor-Leste, lideradu husi S.E. Sekretáriu Estadu ba Floresta, hamutuk ho Sekretáriu Ezekutivu Komisaun Nasional Timor-Leste ba UNESCO (KNTLU) Sr. Luis Nivio, Xefe Departamentu Konservasaun Flora no Fauna, no membru seluk, sente orgullu hodi sai sasin no akompaña aprovasaun ofisiál ida ne’ebé fó ba Timor-Leste, no Rezerva Biosfera Nino Konis Santana sai membru ba Rede Mundial Rezerva Biosfera (World Network Biosphere Reserve).
Aprovasaun ida-ne’e marka mós istória ketak ida katak, Rezerva Biosfera Nino Konis Santana ne’ebé lokaliza iha Munisipiu Lautem, nu’udar Rezerva Biosfera dahuluk Timor-Leste nian.
“Viva Munisipiu Lautem!”
“Viva Timor-Leste!”
“Viva UNESCO no Programa Ema ho Biosfera!”
“Viva Rezerva Biosfera Nino Konis Santana!”
Aprovasaun ida ne’e la’ós deit vitória ba konservasaun, maibé mos loke oportunidade foun ba kolaborasaun internasionál, peskiza siénsia, no dezenvolvimentu sustentavel ba komunidade.
Parabéns Timor-Leste — kapitulu foun iha istória konservasaun ne’ebé hahú daudaun.