Komisaun Nasionál Timor Leste ba UNESCO (KNTLU) servisu hamutuk ho Ministeriu Edukasaun, Juventude no Desportu (MEJD) halao’o inaugurasaun ba dala 6 iha Sentru Komunitariu Aprendizajem (SKA) Haburas Uatucarbau.

Sentru Komunitariu Aprendizajem (SKA) Haburas Uatucarbau hanesan mos (SKA) sira seluk ne’ebe nia kontrusaun iha sala 3 no haris fatin 2, ho ida ne’e bele fasilita Estudante sira no manorin nain sira bele halo sira nia atividade. Iha seremonia inaugurasaun ne’e deskursu badak ida husi Vice-Ministru (MEJD) Sr. António Guterres nia hateten senti haksolok tebes ho (KNTLU) nia esfosu bele finaliza Sentru ida ne’e no mos nia hateten kona ba setor edukasaun wainhira atu hari edukasaun ne’ebe diak, laos deit hare setor edukasaun formal ne’ebe hahu husi pre-eskolar to iha nivel ensinu superior maibe persija mos edukasaun husi non formal importante hotu, ohin loron inaugurasaun sentru iha uatucarbau ne’e dala uluk hein katak postu seluk mos sei iha (SKA). Nia husu ba komunidade iha uatucarbau atu kuidadu no jere didiak Sentru Komunitariu Aprendizajem (SKA) Haburas uatucarbau no estrutura (SKA) ho ekipa atu servisu ho diak.

Partisipa ba atividade Vice-Ministru (MEJD), Sekretariu Ezekutiva (KNLTU), Diretóra Jeral Ministeriu Ensinu Superior, Siénsia no Kultura (MESSK), Administrador Postu Uatucarbau, Komandante Polisia Uatucarbau, Amu lulik, autoridade local xefe suku, aldeia no komunidade sira. Atividade refere hetan suporta husi Commission National Korea For Unesco (CNKU) liu husi servisu (KNTLU) ba projeitu Bridge TL project 2020

Objetivu husi inaugurasaun hari Sentru Komunitariu Aprendizajem (SKA) Haburas Uatucarbau atu nune sentru ne’e bele lao ona ho atividade ba apredijazem no fasilita joven no ferik katuas sira ne’ebé la remata eskola, ba sira ne’ebé lahatene lee no hakerek atu aprende diak liután kona ba alfabetizasaun nomos ba joven sira ne’ebé hakarak aprende iha area Lingua no tuir planu ba oin  sei iha oportunidade atu hetan diploma iha eskola formal ne’e.

Loading

Leave a Reply

Your email address will not be published. Required fields are marked *