Komisaun Nasionál Timor Leste ba UNESCO (KNTLU) liuhosi nia divizaun Siénsia (SESIM) hahú orgəniza eventu Loron Mundiál Siénsia no Matemátika (LMSM) hosi tinan 2013 ne’ebé envolve ona mestre no estudante barak iha Timor-Leste laran tomak.
KNTLU selebra eventu loron Mundiál siénsia iha kampaun KNTLU iha Díli, hahú hosi tinan 2013-2015, iha tinan 2016 halo akampamentu iha Buklelo-Aileu, 2017 iha Railaco – Ermera, 2018 iha Venilale-Baucau, 2019 iha Same-Manufahi, 2020 iha EBC 30 de Agosto Comoro-Dili KNTLU kontinua selebra LMSM iha Dili deit entre tinan 2021-2022 tanba Pandemia Covid-19. iha Tinan 2021, selebra LMSM iha kampaun INFORDEPE Balide,maibé la halo akampamentu no estudante sira husi munisípiu sira partisipa ho meiu online. Depois iha tinan 2022 nafatin selebra lahó akampamentu iha Kampaun KNTLU, Bairo Pite.
Loron Mundiál siénsia no matemátika ba paz no Dezenvolvimentu (World Science Day for Peace and Development) estabelese hosi UNESCO iha tinan 2001 ne’ebé komemora iha mundu tomak iha lonon 10 fulan Novembru ba tinan – tinan. Tha loron ne’e fó oportunidade atu hatudu ba públiku Oinsá siénsia relevante ho ema nia moris.
Atividade ne’ebé KNTLU organiza hodi komemora LMSM
mak hanesan tuirmai:
Konvida estudante no mestre hotu hodi dezenvolve no hakerek Atividade Prátika ne’ebé liga ba sira nia moris loro – loron hodi partisipa iha eventu no kompetisaun LMSM nian.
Kritériu
ATU SUBMETE TÓPIKU PRÁTIKA
Hakerek Tópiku Prátika
1.Konteúdu Prátika bele mai hosi area siénsia no matemátika bele mós integradu
2.Dezenvolve Atividade Prátika ne’ebé iha ligasaun ho kurikulu nasionál ba Ensinu báziku siklu 3, sekundáriu no Universitáriu ho apresenta idea inovativu sira no mós bele hatudu grupo
ida-idak nia kreatividade.
3.Bainhira hakerek, uza letra ho ninia estilu Arial, no ninia tamañu 12 ho espasu 1,15
4. Atividade Prátika no 3D folder tenke halo hosi estudante sira rasik no akompaña husi mestre/a
sira ba formatu 3D folder divizaun SESIM-KNTLU sei fo ninia format hodi sai hanesan exemplu ida.
5.Tenke aneksa mós foto Atividade halo Prátika nian bain hira liu ona selesaun.
6. Labele kópia Tópiku sira ne’ebé SESIM hakerek ona iha referênsia ne’ebé de’it no mós Tópiku sira-ne’ebé apresenta ona husi Eskola sira iha eventu LMSM liu bá
7.Tenke hatama “Tópiku Prátika” ba divizaun SESIM-KNTLU liuhosi Email ka WA ne’ebé determina ona. Tenke hakerek naran kompletu, númeru kontaktu no husi Eskola ne’ebé.
8. Tópiku sira ne’ebé sai prioridade iha LMSM ba tinan ida ne’e mak hanesan: ambiente, saúde, agrikultura no teknolojia, Submete diretamente ba enderesu KNTLU nian, ho maneira haruka liu hosi Email iha kraik ne’e:
SEMAK BELE HAKEREK?
Mestre no estudante nivel Ensinu báziku siklu 3, sekundáriu no Universidade.
APLIKA AGORA mai email sesim2601@gmai.com – SESIM Group
Loron ikus atu hatama Tópiku Prátika maka iha 30 Agostu 2023
Bele download file pdf brosura klik link download
