Sekretáriu Estadu Arte no Kultura(SEAK) liu husi servisu Komisaun Nasionál Timor Leste ba UNESCO(KNTLU) husi ekipa Kultura (Dezenvolve Rekursu) halo lansamento ba publikasaun livru istoria lokál iha lian Dadua.
Lian Dadua ne’e rasik origin husi aldeia ilimanu nian husi tempu uluk kedas avo beala sira iha aldeia ilimanu konversa ou dadolin ho lian dadua ne’e. iha tempo agora hetan ameasa bo’ot tamba kuaze ema barak la uja ona lian dadua hodi konversa ou dadolin tan ne’e presija salvaguarda urjenti ba digitalizasaun hakerek produs livru hodi prezerva istória lokál iha lian dadua hodi nune’e jerasaun foun sira bele hatene nafatin lian dadua no istoria lokal lian dadua nian iha suku uma kaduak aldeia ilimanu postu laklo munisípiu manatuto.
KNTLU hakerek ona livru hamutuk (6) nebe’e publika ona maka hanesan liqueça lian matlan, viqueque lian naueti inklui mos manatuto lian dadua no sira ne’ebe sedauk publika mak lospalos lian makalero, manufahi lian laklei no lolei iha tempu badak sei publika tan lian balu.
Sekretáriu Estadu Arte no Kultura (SEAK) husi ninian reprezentante Xefe Gabineti (SEAK) hateten dezenvolvimentu rekursu ba prezervasaun istória lokál dialentu ou lian dadua ne’ebe ohin ita lansa sai lingua ba komunidade ne’ebe pertense maibe sai dialetu ba hirak ne’ebe lahatene, lian dadua hola parte ona iha patrimónia kulturál imaterial Timor Leste ne’ebe persija tebes salvaguarda prezerva, konserva no promove. ikus liu hakarak agradese ba ekipa (KNTLU) ne’ebe ratifika ona livru ne’e hodi hili aldeia ilimanu no tempu tuir mai kontinua nafatin hakerek istória lian lokál sira seluk iha fatin seluk.
Objetivu husi lansamentu livru ne’e atu prezerva, konserva no promove istória lokál sira iha lian ou dialetu dadua nian ate futuru mai labele lakon, livru lokal ida ne’e husi fatin ne’e rasik ne’ebé hakerek hodi prezerva konserva no promove nudar ita nian identidade ho ida ne’e atu loke tan espasu ida ba timor katak istória lokál laos konta ou verbal deit maibe persija mos hakerek produs ba livru hodi labele lakon.
Partisipa masimu husi Xefe Gabineti(SEAK), Sekretáriu Ezekutiva(KNTLU), Polisia Exkuarda Manatuto, Xefe suco Dadua, Xefe aldeia , delegado, konseilu suco no komunidade sira. atividade ne’e hetan apoiu finanseiru fundu husi Internasionál ba Patrimóniu Kulturál UNESCO (Intangible Cultural Heritage, ICH Fund) liu husi servisu Sekretáriu Estadu Arte no Kultura(SEAK) no Komisaun Nasionál Timor Leste ba UNESCO(KNTLU).
