Komisaun Nasionál Timor Leste ba UNESCO (KNTLU) servisu hamutuk ho Ministeriu Edukasaun Juventude no Desportu (MEJD) liu husi Programa Edukasaun halao’o treinamentu ba Mestre/a no Kordenador sira ba programa Alfabetizasaun ne’ebe diriji husi Sra. Terezinha A. Gusmão hanesan autor ba livru Alfabetizasaun. Partisipante hirak ne mai husi (SKA) munisipiu Bobonaro, Ermera, Ainaro no Viqueque durante loron 3 nia laran dia Juñu 23 – 25 2022 iha salaun Ensinu Rekorente Dili.
Aktividade ba Treinamentu ne’e hanesan partilia esperensia aprendizajen hasai kapasidade ba mestre/a no oinsa maneira hanorin estudante sira ho diak ba programa alfabetizasaun no ba kordenador sira maneira halo avaliasaun no kordenasaun ho mestre/a sira.
Partisipa husi Sekretáriu Ezekutiva Interinu (KNTLU), Diretór Edukasaun Ensinu Rekorente, Mestre/a no kordenador sira. Aktividade ne’e hetan suporta husi UNESCO Korea liu husi Komisaun Nasionál Timor Leste ba UNESCO (KNTLU) servisu hamutuk ho Ministeriu Edukasaun Juventude no Desportu (MEJD).
Objetivu husi treinamentu ne’e atu intrudus kona ba hanorin, hasae abelidade hanorin alfabetizasaun ba joven no adultu no hasae abilidade aprendizajen inkluzivu intregadu.
