Liqueça 12/12/2023 Komisaun Nasionál Timor Leste ba UNESCO(KNTLU) halao’o Inaugurasaun ba Sentru Komunitária Aprendizajen (SKA) Maumeta. Sentru Komunitária Aprendizajen (SKA) Maumeta hari husi servisu (KNTLU) no Ministériu Edukasaun(ME) liu husi projetu Bridge 2020 ne’ebé hetan fundu apoiu finanseiru husi Governu Korea husi Korea National Commission for UNESCO (KNCU).
Secretary Geral Korea National Commission For Unesco(KNCU) ninia mensagen liu husi delegasaun Xefe relasaun públika (KNCU) hateten honra bo’ot ida mai hau bele hamutuk ho ita bo’ot sira halao’o inaugurasaun ba Sentru Komunitária Aprendizajen (SKA) Maumeta. Inaugurasaun ne’e siknifikante ne’ebe bot teb-tebes ne’ebé mak hatudu rezultadu ne’ebé diak ba servisu hamutuk husi Ministériu Edukasaun Timor Leste nian no mos husi Korea nian, Hau esperansa makas tebes katak ho kolaborasaun entre nasaun rua ne’e sei lori projetu ida ne’e projetu Birdge atu bele kontinua fo kontribui no halo promosaun ba direitu ba ema hirak ne’ebé ses husi eskola ou para eskola la involve an iha eskola atu bele promove sira sai duni hanesan ponte ida atu bele lori fila fali edukasaun ba sira. Iha momentu ida henesan ne’e hau hakarak fo apresia ba Ministra Edukasaun(ME), Sekretáriu Ezekutiva(KNTLU) ba autoridade tomak munisípiu Liqueça nian no parte kompatente hotu – hotu ne’ebé mak hatudu nafatin ita bo’ot sira nia esforsu makas hodi bele atinji nia rejultadu ida susesu diak tebes ba hodi kompleta sentru ida ne’e Sentru Komunitária Aprendizajen, hau laiha duvida katak oportunidade foun husi edukasaun sei oferese iha sentru ida ne’e no ba ema hotu iha liqueça atu bele atinji sira nia mehi ikus liu hakarak agradese ba ita bo’ot sira hotu liu husi oportunidade ida ne’e hau hakrak hato hau nia parabens ba vokazaun impotante ida ne’e.
Programa hirak ne’ebé stabele iha Sentru Komunitária Aprendizajen(SKA) Maumeta mak hanesan Alfabetizasaun, Abelidade moris no Ekuivalensia. Sentru ne’e sei fasilita komunidade hirak ne’ebé para eskola bele kontinua eskola atu aprende le’e no hakerek, no mos tuir kursu aprende suku, kursu english, korea, komputador no seluk tan.
Objetivu husi Inaugurasaun SKA-Maumeta ne’e atu hetan rekoinesimentu husi Ministériu Edukasaun ba iha programa hirak ne’ebé atu estabelese iha sentru ne’e no apoiu reforsa Edukasaun Ensinu rekorente ba iha programa Alfabetizasaun ba komunidade hirak ne’ebé atu aprende no fasilita komunidade sira hirak ne’ebé hakarak aprende kursu suku, komputador, english, korea no seluk tan atu nune komunidade sira bele atinji sira nia mehi.
Partisipa atividade ne’e hetan prejensa masimu husi delegasaun Xefe relasaun públika(KNCU), Sekretáriu Ezekutiva(KNTLU), reprezenta Ministra Edukasaun Diretór Jeral Ensinu Rekorente, PPI, Finansas, Administrador Munisípiu Liqueça, Diretór Edukasaun Ensinu Liqueça, Komandante Komando PNTL no FFDTL Liquiça, autoridade lokal, Xefe suku, aldeia, lia nain, amu lulik no komunidade sira.
