Sekretáriu Ezekutivu KNTLU Partisipa iha Reuniaun Trimester Daruak nian. Iha reuniaun ne’e kada unidade no instituisaun ne’ebé maka tutela iha MESSK sei aprezentasaun relatóriu implementasaun Atividade sira iha trimester dahuluk no ezekusaun orsamentu OJE 2022 iha trimestral dahuluk nian hahú husi Janeiru to Marsu. Iha reuniaun nee mos Kada Unidade sei Aprezenta proposta kronograma ba trimestral daruak nian hahú husi April to Juñu 2022 neebe maka Organiza husi Ministériu Ensinu Superior Sensia no Kultura.
Reuniaun Trimester daruak nee hetan Aprezentasaun husi direjente sira no hanesan Diretór Jerál Administrasaun no Finansas (MESSK), Diretór Nasional (MESSK), Diretór Jerál (SEAK), Gabinete Inspesaun, Diretór Jeral (FDCH), Sekretáriu Ezekutiva Interinu (KNTLU) no ikus liu Diretór Jerál (UJD) hodi aprezenta Relatóriu Trimestral dahuluk no Trimestral daruak.
Objetivu husi reuniaun ne’e atu hato relatóriu Atividade sira no ezekusaun orsamentu OJE 2022 iha trimestre dahuluk no Aprezenta proposta kronograma ba trimestre daruak nian ba Ministru Ensinu Superiór, Siénsia no Kultura, no Sekretáriu Estadu Arte no Kultura.
Iha reuniaun ne’e partisipa husi Ministru Ensinu Superiór, Siénsia no Kultura, Sekretáriu Estadu Arte no Kultura, no Diretór Jerál Administrasaun no Finansas (MESSK), Diretór Nasional (MESSK), Diretór Jerál (SEAK), Diretór Jerál (FDCH), Sekretáriu Ezekutiva Interinu (KNTLU) no Diretór Jerál (UJD). Reuniaun Trimester nee sei hala’o fulan tolu dala iha Ministériu Ensinu Superior Sensia no Kultura.
