Ministériu Saúde Pilar II halao’o seminar ba komunidade sira iha suku hera kolia kona ba informasaun prevensaun no mitigasaun covid-19 ne’ebe gora ne’e mundu infrenta hela no mos Ita nia nasaun Timor Leste. Seminar ne realiza atu fahe informasaun ko ba covid-19 oinsa prevene covid-19 labele hadaet, no oinsa komundade sira atu labele tauk simu vasina.
Aktividade ne’e iha mos fahe material prevensaun Covid-19 husi Ekipa Komisaun Nasionál Timor Leste ba UNESCO (KNTLU) hanesan masker, hand sanitizers, minyak telong no sabaun fase liman ba komunidade sira nebe’e mak partisipa.
Objetivu husi aktividade ne’e atu fahe informasaun Covid-19 ba komunidade sira neb’e falta informasaun atu nune’e sira bele hatene kona ba moras covid-19, medida atu halo prevensaun no informasaun vasina nian.
Partisipa husi Sekretaría Ezekutiva (KNTLU), Ekipa Ministériu Saúde Pilar II, autoridade local chefi suku,chefi aldea, polisia eskuadra hera no komunidade sira. Aktividade ne’e hetan suporta husi UNESCO Korea nebe’e servisu hamutuk liu Komisaun Nasionál Timor Leste ba UNESCO(KNTLU) no Ministériu Saúde.
