Divizaun Siénsia kontinua halao’o formasaun ba mestre/a sira iha nivel Ensino Basico primeira siklu no segundu siklu iha Eskola 30 de Augustus Dili. Formasaun ne’ebé hanesan hala’o ona iha 11 Munisípiu Inklui RAEOA no ikus liu mak iha Munisípiu Dili. Atividade ba formasaun ne’e hanesan kontinuasaun ba programa formasaun ba mestre/a ne’ebé hala’o tiha iha Munisípiu Sira inklui RAEOA., Formasaun ne hanesan métodu hanorin ba mestre/a sira iha parte Siénsia Natural no Matemátika atu nune’e sira bele aplika fila fali métodu nee iha idak-idak nian eskola.
Diretór Servisu Edukasaun Munisípiu Dili Senhor Carlito da Silva la haluha hato’o agradese wain ba Governu Japaun, UNESCO Jakarta no Komisaun Nasionál Timor Leste ba UNESCO tanba hala’o ona formasaun nee ba Profesór no Profesora sira iha momentu ne’ebé estudante sira ezame hotu ona atu nune’e la difficulta atividade aprendizajen iha eskola. nune’e mós ba Profesór no Profesora sira sira bele livre tuir formasaun ne’e. Diretór Edukasaun Munisípiu Dili Haksolok tebes wainhira hare Partisipasaun Profesór no Profesora sira Másimu Tebes hodi tuir formasaun Siénsia Natural no Matemátika no bele aproveita aprende métodu hanorin kona ba Siénsia no Matemátika no Diretór Edukasaun nee mos la haluha hatoo ba profesór no Profesora sira atu aplika fila formasaun nee ba Estudante sira wainhira iha Prosesu Aprendizajen iha Eskola.
Objetivu husi formasaun ne’e atu hasae liu tan Profesór no Profesora sira nia koñesimentu ba konseptu jerál iha konteúdu siénsia natural no matemátika ninian, hasae liu tan konseptu siénsia ba iha pratika esperimentu nian ba estudante sira iha eskola.
Iha formasaun nee hetan partisipa husi Diretór jerál Edukasaun Munisípiu Dili, Sekretario Ezekutiva (KNTLU), reprezentante Embaixadór Japaun, Diretór UNESCO Jakarta via online, Profesor no Profesora sira iha eskola públiku munisípiu Dili.
Atividade ne’e Rasik hetan suporta husi Governu Japaun liu husi UNESCO Jakarta ne’ebé servisu hamutuk ho Ministériu Edukasaun Juventude no Desportu no Komisaun Nasionál Timor Leste ba UNESCO.
