Sekretáriu Estadu Arte no Kultura (SEAK) liu hosi servisu Komisaun Nasionál Timor Leste ba UNESCO (KNTLU) hosi ekipa kultura dezenvolve rekursu halao’o lansamentu livru istória kona-ba Tradisaun Orál ba Prezervasaun Lian ISNI. Publikasaun livru ida ne’e hanesan atu transmiti istória lokál origin lian ISNI ba jerasaun foun sira bele hare liu hosi livru ne’e.
Lian ISNI gora dadaun iha suku 2 mak kolia hela uja konversa no komunika ba malu suku 2 ne’e mak hanesan suku foholau no orana no total populasaun ne’ebe mak sei uja lian isni hodi konversa hamutuk uma kain ha’at nulu resin sia no populasaun 1313 kalkula tuir dadus ne’ebé mak iha, lian ISNI ne’e desde tempu portugues iha ona no iha parte turiscai suku foholau no orana ne’e mos hanesan reinu bo’ot ida iha rai klaran nian, lian ISNI ne’e famozu tebes iha tempu ne’e ba tempu mudansa lian ISNI komesa menus ona amesa atu lakon ema barak ladun uja ona konversa ho lian ISNI fatores balu mak hanesan feto no mane hola ema iha rai seluk impaktu ladun kolia ona lian refere, komunidade hela kahur malu no sei iha tan fatores sira seluk tan ne’e persiza halo prezervasaun liu hosi produs lirvu ida kona ba lian istória lian ISNI.
Objetivu hosi publikasaun livru ne’e atu prezerva lian ISNI ne’ebe hetan ameansa bo’ot atu lakon, publika livru ne’e importante tebes ba jerasaun foun sira iha futuru sei le’e livru ho lian ISNI, sei hatene lian ISNI no lian refere sei lalakon iha futuru oin mai.
atividade ne’e halao iha postu administrativu turiscai munisípiu Manufahi hetan partisipasaun masimo hosi Sekretáriu Ezekutiva (KNTLU), Adjuntu administrador postu Turiscai, komandante polisia postu, autoridade lokál, komunidade no lia nain sira.
