Bazeia ba despaxu Ministeriál N.o 17 /GM-ME/IX/2023 Ministériu Edukasaun nomia Sr, Luís de Fátima Soares sai hanesan Sekretáriu Ezekutivu Komisaun nasionál Timor Leste ba UNESCO durante períodu tinan 4. Ho nomiasaun nee Sekretáriu Ezekutivu Foun Sr, Luís de Fátima Soares halo kedas Enkontru dahuluk ho funsionáriu KNTLU tomak iha sala Enkontru KNTLU nian iha Bairro-Pite Dili
Iha Enkontru dahuluk ida nee funsionáriu KNTLU hotu simu ho votu parabens Ba Kargu Foun ne’ebé Sekretáriu Ezekutivu foun simu no husu ba Sekretáriu Ezekutivu nomiadu atu Kontinua servisu hamutuk ho Ministériu Edukasaun no parseiru dezenvolvimentu sira iha futuru oin mai. Iha fatin hanesan Sekretáriu Ezekutivu nomiadu husu ba koordenadór Programa no funsionáriu hotu atu revee/reviza fali planu atividade ikus iha Trimester da haat nian ne’ebé atu implementa iha tempo badak nia laran iha fulan tolu ikus tinan 2023 nian no husu atu hare fila fali atividade sira ne’ebé maka implementa tia ona durante nee.
Iha enkontru dahuluk nee Sekretáriu ezekutivu noemiadu husu ba funsionáriu tomak atu sérvi no servisu hamutuk tuir Misaun no Vizaun CN-UNESCO hodi kontribui ba Misaun ida hodi serví ba Edukasaun, Siénsia, Kultura no Komunikasaun ida diak liu.
