Komisaun Nasionál Timor Leste(KNTLU) halao Semináriu ba projetu Eskola matak ba manorin sira hanesan mestre/a no diretor eskola sira ne’ebe husi Eskola ASPnet liu husi programa UNESCO Paris.
Semináriu ne’e rasik hala’o durante loron rua 21-22/03/2024 iha EBC 30 de Agostu Dili ne’ebe partisipante hirak ne’e mai husi Eskola 10 mak hanesan balu Ensinu basico 2, 3 siclo no secundariu no eskola hirak ne’e mai husi munisípiu 4 mak hanesan Dili iha ESG 4 de setembru, EBC fatumeta no EBC 30 de agostu, munisípiu Aileu iha EBC Maumeta no EBC das Flores, munisípiu Ermera iha EBC 10 de Abril,EBC Hatulia, EP Cocoa no mos ikus liu munisípiu Liquiça iha EBC Kasait no Colégio de Santo Inácio Loiola.
Iha semináriu ne’e Senhor Paulo Rangel husi Vice Diretor Eskola Colégio de Santo Inácio Loiola sai hanesan Oradór fahe esperiénsia kona ba atividade estudu komparativu iha Malaysia ne’ebe liu husi programa ASPnet no Eskola Colégio de Santo Inácio Loiola nia modelu matak. Aliende ida ne’e mos iha Tekniku husi Meiu Ambiente Sra. Eng Amenica Machado Fernandes, MP. sai mos hanesan Oradór ne’ebe kolia kona ba Eskola verde/matak nudar alternative ida hodi transforma ambiente eskola ne’ebe matak mos no saudavel, lisaun hirak ne’e manorin nain sira senti kontenti tamba bele hetan ona informasaun kona ba Eskola matak atu nune’e sira bele aplika iha idak-idak nia eskola bele kria ambiente ne’ebe saudavel iha eskola.
Atividade semináriu ne’e iha lisaun kona ba karbon dioksida no kreatividade pratika transforma lixu plastiku, hena at, surat tahan no botir halo ba bazu, aifunan no seluk tan no mos iha estudu komparativu ba iha eskola EBC kasait no Colégio de Santo Inácio Loiola atu nune’e manorin nain sira bele hare no banati tuir ambiente ne’ebe furak iha eskola refere. atividade ne’e hanesan estrakurikular ida maibe lases husi husi kurikulum atual ne’ebe mak iha.
Objetivu husi husi semináriu ne’e hasae koinesimentu klean liu tan ba manorin nain sira husi eskola ASPnet nian kona ba Eskola Matak no kreativu ba sasan lixu ligadu ho edukasaun no dezenvolvementu ambiente iha eskola oinsa bele kria ambiente ne’ebe furak iha eskola no sosiada nia le’et persija servisu makas kuidadu ambiente labele soe sasan arbiru, tesi ai arbiru no tenki kreativu ba sasan lixu hirak ne’ebe soe iha eskola, persija kuda ai oan barak atu nune’e bele kria ambiente ne’ebe furak ba eskola matak no fatin ne’ebe deit.
Atividade ne’e hetan Partisipa maximu husi Diretor ESG Edukasaun, Tekniku Meiu Ambiente, Sekretáriu Ezekutiva (KNTLU) no mestre/a sira husi eskola ASPnet nian. Atividade ne’e hetan fundus husi UNESCO Paris liu husi servisu KNTLU no Ministériu Edukasaun.
