Programa registu Patrimóniu kúItural materiál Dadus Sasán Antiga iha Timor Leste hanesan programa ida ne’ebé husi UNESCO foka liu ba registu sasán antiga hirak ne’ebé desde tempu uluk avó bei’ala rai hela to agora sei iha nune persija prezerva liu husi produs ba dijitalizasaun hodi salva husi dezastre ruma atu labele hetan estragus. Programa ne’e hetan apoiu finanseiru maximu husi UNESCO Paris liu husi servisu Komisaun Nasionál Timor Leste ba UNESCO(KNTLU).
Komisaun Nasionál Timor Leste ba UNESCO(KNTLU) husi Divizaun Komunikasaun no Informasaun distribui ona livru Memória Mundu ba iha munisípiu tolu(3) mak hanesan Manufahi, Ainaro no Aileu. Livru hirak ne’e fahe ba komunidade no autoridade lokal sira iha fatin refere, iha livru ne’e nia kontiudu hakerek kona ba autor(nain ba sasan), materiál no istória ba sasán antiga sira mak hanesan belak, mortel, surik, fotografia no sira seluk-seluk tan ne’ebé tama hanesan Patrimóniu kúItural materiál. KNTLU foti ona dadus sasan antiga hirak ne’e iha fulan hirak nia laran no fim produs ona ba dijitalizasaun kria livru ida hanesan livru Memória Mundu.
Objetivu husi distribuisaun livru Memória Mundu hanesan pilotu ida atu fahe informasaun ba komunidade sira kona ba sasán antiga sira ne’e persija tebes prezerva tamba sasan hirak ne’e hanesan eransa ida husi avó bei’ala sira ne’ebé rai hela ba jerasaun foun no livru ne’e hanesan memória ida husi avó sira nian tempu tuir mai jerasaun foun sira bele hare kona ba istoria sasán antiga ne’ebe avo sira rai hela ba jerasaun foun.
Atividade ne’e Partisipa husi Administrador postu, Xefe suku, aldeia no komunidade sira husi munisípiu idak-idak nian ne’ebé halao iha fatin sede suku Holarua Munisípiu Manufahi, postu Ainaro Villa no Sede Suku Liurai Munisípiu Aileu
