Dili 11 Outubru 2023 Komisaun Nasionál Timor Leste ba UNESCO (KNTLU) partisipa enkontru Mini Komité Revizaun Orsamentu Ministériu Edukasaun (MKRO-ME) Tinan Fiscal 2023 Iha Enkontru refere hodi masimiza preparasaun proposta orsamentu Ministériu Edukasaun ho Diak iha revizaun orsamentu Jeral 2024 Ministériu Edukasaun (ME) Nian.
Iha enkontru nee la Haluha KNTLU aprezenta proposta planu orsamentu OJE 2024 ne’ebé submete antes iha pakote fiskál 2024 Ministériu Edukasaun. Orsamentu ne’ebé KNTLU Aprezenta ne’e sei uja ba iha programa no atividade Edukasaun , Siénsia, Kultura no Komunikasaun Informasaun nomos ba Funsionamentu KNTLU nian iha Tinan 2024 nia laran.
Tuir Lei Orgánika Ministériu Edukasaun nian Komisaun Nasional Timor Leste ba UNESCO hanesan Administrasaun direita ida husi estadu no tutela iha diresaun jerál Ministériu Edukasaun nian tan ida nee KNTLU ohin mós Partisipa hanesan Diresaun Jerál ida iha Ministériu Edukasaun nomos aprezenta proposta orsamentu KNTLU nian rasik iha Komité Revizaun Orsamentu Ministériu Edukasaun (MKRO-ME).
Partisipa iha enkontru ne’e Sekretáriu Ezekutivu (KNTLU), Koordenadora Finansas (KNTLU), Diretór Jerál (ME), Diretora Finansas (ME), Diretór Infraestrutura (ME) no Direjenti sira hotu iha Ministériu Edukasaun . Enkontru ne’e rasik hala’o iha sala Konferénsia Ministériu Edukasaun Villa Verde Dili Timor Leste.
