Depois de Inagura SKA iha munisípiu Covalima, Bobonaru, Dili Komisaun Nasionál Timor Leste ba UNESCO (KNTLU) kontinua inaugurasaun Sentru Komunitariu Aprendizajem (SKA) Kuda Ulun iha Maliana Munisipiu Bobonaro Suku Holsa.
SKA Holsa Maliana hanesan mos ho SKA sira seluk neebe maka KNTLU ingaura neebe ho nian Fasilidade sala tolu no kompleta ho kedas haris fatin ba Estudante no Manorin sira. Iha serimónia ida ne’e Sr. Francisco Barreto nu’udar Sekretáriu Ezekutiva Interinu (KNTLU) hateten iha tinan 2019 hetan apoiu husi Governu Korea liu husi Komisaun Nasionál ba Korea atu halao programa projetu hari Sentru Aprendizajen (SKA) Kuda Ulun, projetu nebe’e hanaran “ 2020 Brige Timor Leste Project “ .
Secretary Geral Commission National Korea For Unesco (CNKU) Mr. Han, Kyung-Koo, liu husi Video aprezentasaun hateten katak sente kontente tebes bele ajuda hari ona Sentru Komunitáriu Aprendizajen Kuda Ulun iha Timor Leste e la haluha mos fo agradesimentu no parabens ba Ministériu Edukasaun Juventude no Desportu, Ministériu Ensino Superior Siénsia no Kultura no mos KNTLU ne’ebé finaliza no inaugura SKA Kuda Ulun Maliana Munisípiu Bobonaru no nia fiar katak liu husi ne’e komunidade sira ne’ebé aprende ona iha fatin nee bele realiza sira nia mehi no hasae rekursu humanu iha futuru oin mai.
Serimónia Inaugurasaun ne’e inaugura husi Ministru Ensino Superior, Siensia no Kultura Sr. Dr. Longuinhos dos Santos no intrega SKA refere ba Ministru Edukasaun Juventude no Desportu Sr. Armindo Maia Ph.D,. Iha inaugurasaun nee MESSK la haluha mos hato agradese wain ba povo Korea no Governu Korea liu husi Komisaun Nasionál Korea ba UNESCO ne’ebé tulun povo Timor Leste. MESSK Senti kontente tanba iha ona SKA Kuda ulun iha Maliana munisípiu Bobonaru atu nune’e bele tulun ema hotu ba programa alfabetizasaun hodi dezenvolve literársia ba Ensino ne’ebé mak espesial no inkluzivu tebes MESSK moa la haluha hato’o agradese ba Sekretáriu Ezekutiva Interinu KNTLU ho Ekipa tomak ne’ebé hamutuk ho autoridade lokál hodi realiza serimónia ba inaugurasaun SKA Kuda Ulun.
Objetivu husi SKA nee rasik atu fo tulun ba Inan aman sira no Juventude sira ne’ebé maka la konsege halo hotu sira nian estudu iha ensinu Báziku hodi kompleta fila fali sira nian estudu ne’ebé maka sidauk remata iha ensinu báziku., iha soring seluk SKA refere Kontinua fo formasaun Lingua no Abilidade de moris ba Komunidade sira ne’ebé maka Presiza atu aumenta sira nian Koñesimentu. Serimónia ne’e rasik partisipa husi Sekretáriu Ezekutiva Interinu KNTLU, Ministru Edukasaun Juventude Desportu, Ministru Ensino Superior Siénsia no Kultura, Amo lulik parókia Maliana, Adjuntu Administradór postu Maliana, Reprezentante komandante PNTL Munisípiu Bobonaru, Reprezentante Komandante F-FFDTL munisípiu Bobonaru, Estudante Kafé Maliana, Komunidade suku Holsa no Autoridade Lokal Chefi Aldea Sira. No Tuir Planu SKA nee sei Estabelese tan iha munisípiu Ermera,Ainaro,no Viqueque.
