Komisaun Nasional Timor-Leste ba UNESCO (KNTLU) nu’udar orgaun autónomu ida, ne’ebé harii bazeia ba dekretu lei númeru 29/2014, de 24 setembru. Iha VIII Governu konstituisaun KNTLU tutela iha Ministériu Ensinu Superior Siénsia no Kultura (MESSK) nia okos, KNTLU nia mandatu mak hodi implementa programa sira hanesan; Edukasaun, Siênsia, komunikasaun no Kultura, Iha Oitavo Governo Constituisional da RDTL, KNTLU tutela iha Ministériu Ensinu Superior Arte no Kultura nia okos.
KNTLU hala’o Promosaun Anual hanesan atividade ida ne’ebé KNTLU halo durante Tinan 1 dala 1 hodi relata atividade neebe halao tiha ona iha tinan 2021 no relata planu atividade KNTLU nian iha tinan 2022, promosaun Anual ne’e hahú implementa iha tinan 2012 ne’ebé dahuluk halo iha munisipiu Manatutu no kontinua to tinan ida ne’e no sei kontinua beibeik ba munisipiu sira ne’ebé maka seidauk hetan promosaun anual ne’e rasik.
Promosaun anual ne’e hanesan programa ida atu fahe informasaun kona ba programa ne’ebé maka KNTLU implementa durante inísiu to agora maka hanesan programa Edukasaun, Siénsia, Kultura no Komunikasaun. Programa sira ne’e rasik envolve moos Ministériu no Secretária Estadu sira ne’ebé maka relevante ho Programa KNTLU maka hanesan Ministériu Ensinu Superior Siénsia no Kultura, Ministériu Edukasaun Juventude no Desportu, Sekretária Estadu Arte e Kultura no UNESCO antena ne’ebé Hanesan mos Parseria ba KNTLU nian Programa Rasik.
Objetivu annual promosaun nee Atu hasa’e koñesimentu komunidade nian kona-ba serbisu, Komisaun Nasionál Timor-Leste ba UNESCO iha area hotu,Atu habelar informasaun kona-ba Implementasaun programa Edukasaun, Siénsia, Kultura no Komunikasaun no Informasaun, Atu atrai professors no alunu sira kona-ba aprende no pratika siénsia iha moris loron-loron uainhira sira ramata ona estudu iha Ensinu Sekundáriu, Atu komunidade liu-liu joven sira bele koñese didi’ak sira nia kultura, no mós bele dezenvolve sira nia kultura hanesan sira nia identidade, Atu fo hasa’e komunidade nia koñesimentu konaba servisu Ministériu Ensinu Superior Siénsia no Kultura nian, Atu Hatene liu tan Servisu Komunidade nian iha Sekretária Estadu arte no Kultura liga ho Kultura uma lisan no lian lokál sira, Liu husi konsertu, bele anima komunidade tomak hodi bele amizade diak liután.
Partisipante iha atividade nee Ministériu Ensinu Superior Siénsia no Kultura, Diretór Jerál arte no Kultura, Reprezentante husi Institutu Teknolojia Betanu, adjuntu administradór Munisípiu Aileu, Autoridade Lokál husi suku Aileu Villa, ONG, Estudante/Professors no Reprezentante komandante Polísia Munisípiu Aileu. Atividade nee hetan suporta husi UNESCO Paris no Ministériu Ensinu Superior Siénsia no Kultura
