KNTLU koordena servisu hamutuk ho Smile Group Yogyakarta Indonesia hodi fo treinamentu ba Diretór/a Eskola sira iha area Lideransa ba Jestór Eskola nian ne’ebé maka tama iha eskola Associated School Network (ASPNET) durante loron tolu (3) iha Timor Plaza Dili. Smile Group Yogyakarta Indonesia hanesan instituisaun privado ida ne’ebé hala’o ona trenamentu barak ba estudante no funsionáriu sira iha nivel Nasionál no International.
Treinamentu ne’ebé Via online Zoom Meeting nee ho nia tópiku prinsipál maka lideransa eskola (Training Leader School Principal) ne’ebé fo husi Ekipa Smile Group, i treinamentu nee rasik lidera husi manorin sira husi Universitas Negeri Indonesia Yogyakarta no diretora Eskola SMP/SMA ISLAMIC SCHOOL Tangerang Indonesia.
Bapak Ermawan Susanto nu’udár trenador husi Smile Group hateten Treinamentu ne halao husi Via online Zoom Meting deit no labele hasoru malu direita tanba agora daudaun sei iha tempo pandemia covid19 nia laran hodi difficulta treinamentu direta ho Smile Group. Iha sorin seluk diretór sira husi Associated School Network husi Timor Leste hateten treinamentu nee rasik liu husi online deit maibé la hamate vontade director/a eskola sira hodi tuir treinamentu ne’e I diretór sira sente kontente tebes tanba sira bele aprende tan lisaun foun no aumenta tan kapasidade iha area lideransa eskola nian.
Objetivu husi treinamentu ida ne’e mak Hasae koñesimentu kona ba jestaun lideransa eskola no edukasaun ba dezenvolvimentu sustentavel ba jestór eskola sira ne’ebé maka tama iha area Eskola Associated School Network (ASPINET).
Partisipa iha tretamentu nee maka Sekretáriu Ezekutiva Interinu (KNTLU) Sr. Francisco Barreto, Diretor (MEJD) Sr. Joaquim Martins, Diretór Nasionál kontrolu Impaktu Ambiental Sra. Amenica Machado Fernandes, Mp. Dekanu Fakuldade Siénsia Sosias UNTL Dr. Camillo Camões, diretór Smile Group Yogyakarta Bapak Rahman Wahyu Widadi, SE, no mós diretór/a Eskola sira Iha munisípiu ha’at hanesan Dili,Aileu,Liquesa no Ermera.
Atividade Trenamentu nee hetan suporta husi UNESCO Paris liu husi Participation Program ne’ebé maka organiza husi KNTLU no Atividade nee mós hetan suporta no servisu hamutuk ho Ministériu Edukasaun juventude no Desportu ho nian objetivu hodi hasae koñesimentu ba Diretór no Diretora sira iha area Lederansa nian.
