Thimphu, Bhutan, 7 – 8 Outubru 2024
Workshop ba dahuluk kona-ba ICHLINKS Online Platform ne’e organiza hosi Internationl Information and Networking Center for Intangible Cultural Heritage in the Asia-Pacific Region under the auspices of UNESCO – ICHCAP no National Library and Archives of Bhutan. Objetivu hosi Workshop ne’e atu hasa’e koñesimentu ofisiál informasaun sira nian no halo revizaun ba mekanizmu kolaborativu kona-ba plataforma ICHLINKS nian atu bele halo jestaun ba inventáriu Patrimóniu Kulturál Imateriál (PKI) ne’ebé estadu parte sira Konvensaun UNECSO 2003 nian hala’o ona nivel Nasionál espesiálmente iha rejiaun Azia-Pasífiku.
Ajenda importante sira iha workshop loron rua ne’e mak; fahe informasaun sira kona-ba Konvensaun UNESCO 2003, manajementu ba Plataforma dizital ICHLINKS, inventáriu ba patrimóniu Kulturál Imateriál liu-hosi dokumentasaun audiovizual, vizita sítiu no instituisaun kulturál sira.
Iha sesaun aprezentasaun, reprezentante hosi Komisuan Nasional Timor-Leste ba UNESCO (KNTLU) Sr. Francisco Urbano dos Santos, atualiza mekanizmu sira ba inventáriu Patrimóniu Kulturál Imateriál ne’ebé Timor-Leste halo ona mak hanesan, a) halo levantamentu dadus no peskiza kona-ba PKI no publika liu-hosi livru, b) halo dokumentasaun ba PKI liu-hosi vídeo dokumentáriu, c) suporta fundu ba NGO lokál hodi realiza festivál no atividade kukturál sira liu hosi Participation Program UNESCO nian no seluk tan.
Partisipante iha workshop ne’e mai hosi nasaun sira hanesan, Cambodia, Fiji, Malaysia, Mongolia, Vietnam, Timor-Leste, Bhutan, Indonesia no organizador sira hosi Korea Súl.
