Komisaun Nasionál Timor Leste ba UNESCO (KNTLU) koordena servisu hamutuk ho Smile Group Yogyakarta Indonesia hodi fo treinamentu ba kareira jestaun lideransa feto no kapasidade informatika iha area rural durante loron rua (2) iha salaun Jell Villa Dili.
Smile Group Yogyakarta Indonesia hanesan instituisaun privado ida ne’ebé hala’o ona trenamentu barak ba estudante no funsionáriu sira iha nivel Nasionál no International.
Treinamentu ne’ebé Via online Zoom Meeting ho nia tópiku prinsipál ( Women Empowerment in Leadership Management and ICT Skills in Rural Area ) ne’ebé fo husi Ekipa Smile Group, i treinamentu ne’e rasik lidera husi manorin nain husi Bapak Ermawan Susanto, Bapak Huda, Ibu Novi no ekipa sira husi Smile Group Yogyakarta Indonesia .
Sr. Francisco Barreto nudar Sekretáriu Ezekutiva Interinu (KNTLU) hateten fo agradese ba Smile Group tamba ba dala rua ona fo treinamentu no iha tinan ida ne’e ho nia topiku ne’ebe diferente no iha treinamentu ba loron ida ne’e atu hasae kapasidade jestaun lideransa ba feto area rural iha Timor Leste atu lidera no hasai kapasidade informatika iha kareira feto nian tamba ida ne’e ita hetan suporta husi UNESCO Paris hodi tulun no ajuda hala’o treinamentu ba lideransa feto sira ba futuru feto sei lidera ho diak ba nasaun Timor Leste no ikus liu lahaluhan hato agradese no obrigado ba UNESCO Paris bele ajuda suporta ona atividade ne’e no ba Smile Group Yogyakarta Indonesia bele fo ona treinamentu ne’e.
Objetivu husi treinamentu ida ne’e atu Hasae koñesimentu kona ba jestaun lideransa feto no kapasidade informatika ba feto area rural hodi halao servisu iha terenu no ba futuru feto sei lidera ho diak iha nasaun Timor Leste.
Partisipa iha treinamentu ne’e maka Sekretáriu Ezekutiva Interinu (KNTLU) Sr. Francisco Barreto, Diretór Smile Group Yogyakarta Indonesia Bapak Rahman Wahyu Widadi no partisipante husi munisipiu 5 mak hanesan Dili, Lospalos, Viqueque, Bobonaro no Covalima.
