Komisaun Nasionál Timor Leste ba UNESCO (KNTLU) servisu hamutuk ho Ministériu Saúde halao seminar ba komunidade sira iha sede suku Ulmera Munisípiu Liquesa, seminar refere aprezenta husi Ekipa MInisteriu Saude Pilar II kona ba Hasae konsiensia liu husi ambiente higenia no saudavel hodi prevene Pandemia Covid-19 “Saude Iha Ita Nia Liman Rasik”.
Programa ne’e hanesan fahe informasaun ba komunidade sira oinsa prevene moras surtu Covid-19 ne’ebe agora dadaun mundu infrenta hela no informasaun kona ba vasinasaun covid-19. Aktividade ne’e iha mos fahe material prevensaun Covid-19 husi Ekipa Komisaun Nasionál Timor Leste ba UNESCO (KNTLU) hanesan masker,hand sanitizers,minyak telong no sabaun fase liman.
Objetivu husi aktividade ne’e atu fahe informasaun kona ba prevensaun pandemia Covid-19 ba komunidade sira no mos informasaun vasinasaun covid-19 atu nune’e komunidade sira labele falta informasaun ba moras surtu covid-19, medida atu halo prevensaun no informasaun vasina nian.
Partisipa husi Sekretáriu Ezekutiva Interinu (KNTLU), Ekipa Ministériu Saúde Pilar II, Xefi suku Ulmera, aldea no komunidade sira. Aktividade ba programa ne’e hetan suporta husi UNESCO Korea liu husi servisu hamutuk Komisaun Nasionál Timor Leste ba UNESCO (KNTLU).
