Komisaun Nasionál Timor Leste ba UNESCO (KNTLU halao Inaugurasaun ba Sentru Komunitária Aprendizajem tolu (3) iha postu administrativu Lospalos Munisípiu Lautem.
KNTLU liuhosi Projetu Bridge kontinua inaugurasaun Sentru Komunitária Apredizajen tolu (3) mak hanesan SKA Valor (Vizaun no Asaun Lautem Oan Rasik), SKA Kreativu Baucau no SKA Roman ba Futuru Ainaro, ne’ebé halao serimónia inaugurasaun konsentra iha fatin ida deit iha SKA Valor Lautem. SKA hirak ne’e hetan rekoinese asina plaka hosi Sua Ex.cia Ministra Edukasaun Dra. Dulce de Jesus Soares.
Iha inaugurasaun ne’e Diskursu via mensagen hosi Sekretári Jeral Korea National Commission for UNESCO (KNCU) Sr. Han, Kyung Koo (Ph,D.) Sua entelismu reprezentante hosi Ainaro, Baucau no Lospalos, membru sira hosi KNTLU konvidade no partispante sira iha SKA honra bo’ot mai hau atu hato’o Hau nia diskursu nudar Sekretáriu Jeral (KNCU), Komisaun Nasionál UNESCO Korea iha kolaborasaun hosi Ministériu Edukasaun republika Korea nian iha prveliuju bo’ot hodi apoiu Ministériu Edukasaun Timor-Leste nian liuhosi programa Brigde, Inisiativa ida ne’e hola parte hosi UNESCO nian komprimisiu ne’ebé atu asegura edukasaun ho kualidade, inkluzivu no ikuitativu ba ema hotu, hodi loke dalan ba fo oportunidade ba ema hotu aprendizajen durante moris tomak, ne’ebé bele hakbi’it ema idak-idak no komunidade sira. Dese Inisiu programa Bridge nia to gora ami fo na apoiu liu miliaun 1 dollar amerikanu ba Timor-Leste, Programa Bridge hanesan inisiativu ne’e importante tebes atu apoiu edukasaun non formal iha nasaun parseiru sira, hodi oferse oportunidade ba sira ne’ebé sedauk hetan asesu no edukasaun formal. Inaugurasaun ba SKA tolu (3) aprenzenta suksesu siknifikativu ida tan iha viagem ida ne’e, Sentru sira ne’e sei iha papel ida hodi habelar edukasaun, haburasa dezenvolviemtnu lokál no hamosu esperansa iha komunidade sira. Susesu ida ne’e sei la sai posible ba bainhira laiha didikasaun ne’ebe metin hosi Komisaun Nasionál Timor-Leste ba UNESCO, Ministériu Edukasaun Timor-Leste nian no partisipaun ativu hosi komunidade lokál sira, Hau hato’o hau nia agradesementu ba ema hotu ne’e halo realizasaun ida ne’e sai realidade. Komisaun Nasionál Korea ba UNESCO iha nafatin komprimisiu atu servisu hamutuk ho ita bo’ot sira hodi avansa liu tan Edukasaun no dezenvolvimentu iha Timor-Leste. Hein katak serimónia inaugurasaun ohin loron nian mak inisíu ba future ne’ebé nabilan liu ba komunidade sira ne’e no ba Timor-Leste tomak
Projetu Bridge 2020 ne’e rasik hetan apoiu fundus finanseiru hosi Governu Korea liuhosi UNESCO Korea ne’ebé apoiu fundus finanseiru ba (KNTLU) servisu hamutuk ho Ministériu Edukasaun diresaun Ensinu Rekorente hodi estabelese Sentru refere. iha mos apoiu fundus ba fornese Komputadór hosi grupu labs Seventeen Korea nian ne’ebé apoiu Komputadór hamutuk unidade 11, Proyektor unidade 1 no song system 1 ba iha SKA Valor Lautem.
Sentru Komunitária Aprendizajem ne’e sei fasilita komunidade hirak ne’ebé persija atu aprende ba programa mak hanesan Alfabetizasaun, Ekuivalensia no Abelidade moris nian. Ba Ita nian ferik, katuas no joven hirak ne’ebe lahatene hakerek no le’e SKA sei fasilita hodi aprende no sira ne’ebe eskola la remata iha mos oportunidade hodi aprende. SKA refere mos sei fasilita komunidade sira asesu tuir kursu hanesan lian korea, English, portugues no mos komputador.
Objetivu hosi inaugurasaun ne’e atu hetan rekonese hosi Sua Ex.cia Ministra Edukasaun ba SKA – Valor Lautem, SKA – Krativu Baucau no SKA – Roman ba Futuru Ainaro ne’ebé ninian konstrusaun uma remata ona, atu nune bele kontinua uja hodi halao aprendizajem ba iha programa refere ne’ebe stabelese ona iha SKA ne’e no mos bele tulun komunidade sira ne’ebe iha inisiativu atu aprende hasae literasia, kapasita abelidade ba moris nian no fornese edukasaun non formal iha Sentru Komunitária Aprendizajen.
Partisipa iha atividade ne’e Diretor Jeral Ensinu Rekorente (ME), Sekretáriu Ezekutiva (KNTLU), Diretor (ME) Lautem, Diretor (ME) Baucau, Diretor (ME) Ainaro, Administrador postu Ainaro , komunidade no amu lulik iha Munisípiu Lautem.
