Dili 05 Outubru 2023 Sekretáriu Ezekutivu Komisaun Nasionál Timor Leste ba UNESCO (KNTLU) partisipa iha enkontru Taxa ezekusaun orsamentu tinan 2023. Iha biban hanesan simu mós informasaun kona ba pakote fiskál Ministériu Edukasaun tinan 2024 nian ne’ebé maka hala’o iha Sala Konferénsia Ministériu Edukasaun Vila-verde Dili.
Enkontru refere Diresaun Jerál Administrasaun no Finansas Ministériu Edukasaun halo aprezentasaun kona ba taxa ezekusaun orsamentu jerál ne’ebé prevee iha tinan 2023 inklui orsamentu ratifikativu ne’ebé hetan aprovasaun foin lais nee hodi koloka ba iha diresaun hotu no ajente sira iha Ministériu Edukasaun hodi Ezekuta iha trimestre ikus tinan ida nee nian. Aleinde ko’alia kona ba Ezekusaun Orsamentu 2023 nian ne’ebé Ezekuta ona iha mós ezekusaun balun sei menus hodi nune’e Diresaun Jerál Administrasaun no Finansas Ministériu Edukasaun hosu atu diresaun hotu inklui KNTLU ne’ebé hanesan Administrasaun Direta ida iha Ministériu Edukasaun hodi bele fo ideia no sujestaun hodi bele ezekuta orsamentu jerál 2023 iha tempu ne’ebé determina ona.
Objetivu husi enkontru ne’e atu hare fila fali Ezekusaun orsamentu jerál 2023 iha diresaun hotu iha Ministériu Edukasaun inklui Komisaun Nasional Timor Leste ba UNESCO (KNTLU) ne’ebé hanesan Administrasaun Direta ida iha Ministériu Edukasaun.
Partisipa iha enkontru nee maka Diretora Jerál Finansas (ME), Diretora Jerál (ME), Presidente INFORDEPE, Sekretáriu Ezekutivo (KNTLU), Diretór Media (ME) no direjentes sira husi Ministériu Edukasaun.
