Dili 25 Outubru 2023 Sekretáriu Ezekutivu Kntlu Sr. Luís Nivio de Fátima Soares ho Komitiva kumprimenta Sekretáriu Estadu Arte no kultura (SEAC) S.E. Jorge Soares Cristovão no hala’o kedas Enkontru badak iha Salaun Enkontru Sekretáriu Estadu Arte no Kultura.
iha enkontru badak ida ne’e exelénsia Sekretáriu Estadu Arte no Kultura husu ba ekipa husi Kultura KNTLU nian hodi haree no revee fila fali planu lansamentu livru prezervasaun istória lokál patrimóniu kulturál e Imateriál iha Lian Makalero iha Munisípiu Lautem Postu Administrativu Iliomar no Lansamentu Livru prezervasaun istória lokál Dadu`a husi postu administrative Lakloo Munisípiu Manatutu no tuir planu lansamentu livru nee sei lansa iha Fulan Outubru 2023.
Partisipa iha enkontru Badak ne’e maka Exelénsia Sekretáriu Estadu Arte no Kultura S.E. Jorge Soares Cristovão , Sekretáriu Ezekutivu KNTLU Sr. Luís Nivio de Fátima Soares, Diretór Jerál Arte no Kultura Sr. Manuel Smith, Koordenador Divizaun Kultura KNTLU, Koordenador Administrasaun KNTLU, Koordenador Divizaun Komunikasaun no Informasaun no Xefe Projetu TAIS KNTLU.
