Komisaun Nasionál Timor Leste ba Unesco (KNTLU) organiza formasaun online ne’ebe halao husi SMILE GROUP Yogyakarta Indonesia durante 27-28 Abril 2023 loron (2) iha Salaun Jelvilla Dili Timor Leste ho nia topiku Strengthening the concept of Global Citizenship Education for teachers from ASPnet schools in Timor Leste ho lian tetun katak Haforsa konseitu kona-ba Edukasaun Sidadania Globál ba manorin sira husi eskola ASPnet iha Timor Leste.
Formasaun ou treinamentu refere hanesan kontinuasaun ba daruak ne’ebe iha tempu kotuk ne’ebe halao ona formasaun hanesan ne’e maibe ho nia topiku ne’ebe diferente.
Formasaun ne’e halao deit husi online Zoom Meeting ne’ebe fo husi manorin nain Dr. Tjahjono Widijanto, Mp.d husi SMILE GROUP Yogyakarta Indonesia no Ekipa. Maske formasaun refere husi online maibe partisipante senti kontenti no agradese tamba bele hetan oportunidade tuir formasaun ne’e hanesan haforsa Konseitu Edukasaun no hasae kapasidade manorin nian iha edukasaun, lisaun hirak ne’ebe hetan husi Formasaun ne’e sira sei aplika hanorin iha eskola. Partisipante hirak ne’e hanesan Director/a Eskola no mos professor/a mai husi Munisipiu no mos balu iha dili.
Objetivu husi Formasaun atu Haforsa konseitu kona-ba Edukasaun Sidadania Globál ba manorin sira husi eskola ASPnet iha Timor Leste no hasae kapasidade manorin nain sira hodi bele tulun sira hasoru problema ruma tempu hanorin iha eskola no garante kualidade edukasaun ba estudante sira.
Partisipa husi Sekretariu Ezekutivu Interinu (KNTLU), Diretor SMILE GROUP Yogyakarta Indonesia, Diretor/a no Profesor/a sira.atividade ne’e hetan Suporta husi UNESCO Paris ne’ebe liu husi Servisu Komisaun Nasionál Timor Leste ba Unesco (KNTLU).
