Semináriu Promove no Salvaguarda Patrimóniu Mundial Dokumentál iha Munisípiu Ainaru

Ainaru loron 1 fulan Juñu 2022  Ekipa Komunikasaun no informasaun hala’o semináriu Promove no salvaguarda Patrimóniu Mundial Dokumentál iha Salaun administrasaun munisípiu Ainaru ne’ebé hala’o  durante loron ida tomak hodi relata atividade Memoria do Mundu nian.

Divizaun Komunikasaun no informasaun husi Komisaun Nasionál Timor Leste ba UNESCO (KNTLU) ne’ebé foka liu ba iha area Informasaun no programa memória do mundu. Iha tinan 1992 UNESCO estabelese programa ida ba Memoria do Mundu nian Programa nee sai nu’udar objetivu atu hodi sensibiliza ba nivel mundiál kona ba ezisténsia no signifikadu hosi patrimóniu dokumentál no hodi fasilita nia prezervasaun liu husi tékniku sira ne’ebé apropriada liu. Ho programa UNESCO nian nee maka KNTLU organiza atividade Semináriu ba Xefe do Suku, Xefe Aldeia no Lian Nain sira iha  iha Munisípiu Ainaru Villa  ho Nia Objetivu atu  rejistu dadus ba iha arkivu antiga sira no atu  próteze arkivu antigu sira iha Munisípiu Ainaru.  

Iha Semináriu ne’e rasik mos aprezenta dadus memória do mundu ne’ebé durante ne’e ekipa sira Tékniku sira rekolla iha Suku Ainaru villa no Suku Manu tasi  munisípiu Ainaru.

Atividade semináriu ne’e hetan Marka prezensa husi Sekretáriu Ezekutiva (KNTLU) Sr. Francisco Barretou partilia informasaun kona ba promove no salvaguarda ba ita nia patrimóniu ne’ebé eziste iha ita nian rain tanba ita hare patrimóniu dokumenta ne’ebé iha nia nasaun Timor Leste sedauk tau importansia ou valor tan ne’e persija rai dokumental sira ne’e atu nune’e labele hetan estragu wainhira mosu dezastre ruma no mos dokumentu sira ne’e ita bele lori atu rejistu arkivu hirak ne’e iha UNESCO Internasionál.

Objetivu husi semináriu  nee hanesan atu partilia informasaun ba autoridade local sira kona ba promove no salvaguarda patrimóniu mundial dokumentál hodi Registu iha Memoria do Mundu no atu promove sasan antigu sira no salva dokumentu sira hotu hodi labele hetan estragus. Partisipa iha Seminariu nee maka Administrador Postu Ainaro Villa, Sekretáriu Ezekutivu KNTLU, Xefe Suku, Xefe Aledea no Lian Nain sira husi Postu Ainaru Villa.