Durante tinan rua hafoin hetan suporta husi Governu Korea Liu Husi UNESCO Korea hala’o deit prosesu konstrusaun no ohin 24 Marsu 2022 Komisaun Nasionál Timor Leste ba UNESCO (KNTLU) hala’o ona serimónia inaugurasaun (SKA) Haburas Manuleu Oan(HAMO) iha Manuleu Metinaru Dili. SKA Hamo refere iha klase tolu uja ba alunus sira hodi hala’o prosesu aprendizajen no mós fasilidade hanesan hariis fatin ba alunus sira. Aliende ne’e mos SKA HAMO iha nia koordenadór Nain ida (1) no professor nain haat 4 ne’ebé prontu ona atu koordena no hanorin alfabetizasaun iha SKA HAMO ba estudante ha’at nulu (40) neebe durante tuir hela prosesu Aprendizajen.
Secretary Geral Commission National Korea For Unesco (CNKU) Mr. Han, Kyung-Koo, liu husi Video aprezentasaun hateten katak sente kontente tebes bele ajuda hari ona Sentru Komunitáriu Aprendizajen (SKA HAMO) iha Timor Leste e la haluha mos fo agradesimentu no parabens ba Ministériu Edukasaun Juventude no Desportu, Ministériu Ensino Superior Siénsia no Kultura no mos KNTLU ne’ebé finaliza no inaugura SKA HAMO Metinaru no nia fiar katak liu husi ne’e komunidade sira ne’ebé aprende ona iha fatin nee bele realiza sira nia mehi no hasae rekursu humanu iha futuru oin mai. Senhor Ministru (MEJD) mos senti kontenti ba programa KNTLU nian nebe’e hari ona sentru komunitariu aprendizajen iha suku Manuleu Dili
Iha Prosesu Serimónia inaugurasaun ne’e hetan asina plaka husi Ministru Edukasaun Juventude e Desportu Sr. Armindo Maia, Ph.D, no inaugura husi Ministru Ensino Superior Siénsia no Kultura (MESSK)Sr. Longuinhos Dos Santos no entrega Sentru Komunitariu Aprendizajen (SKA HAMO) ba MEJD hodi loke Sentru Aprendizajen refere iha inaugurasaun refere mos hetan bensaun husi Amo lulik parókia Metinaru.
Programa hari Sentru Komunitariu Aprendizajem (SKA HAMO) ida ne’e hanaran “2020 Brige Timor Leste Project” nebe’e hetan apoiu husi Governu Korea liu husi Komisaun Nasionál Korea ba Unesco ne’ebé servisu hamutuk ho Komisaun Nasionál Timor Leste ba UNESCO (KNTLU) no Diresaun Nasional Ensino Rekorente Ministeriu Edukasaun Joventude Desportu .
Objetivu husi Inagurasaun ba Sentru Komunitariu Aprendizajen (SKA HAMO) ida ne’e atu hetan rekoñese husi Ministériu Edukasaun Joventude no Desportu, Ministru Ensino Superior, Siénsia no Kultura no mos atu reforsa programa Ensino Rekorente hirak nian hanesan Alfabetizasaun Ekivalénsia no Abilidade Moris.
Atividade serimónia ne’e hetan partisipa husi Sekretáriu Ezekutiva Interinu KNTLU, Ministru (MEJD), Ministru Ensino Superior, Siensia no Kultura, Amo lulik, no Autoridade Lokal Chefi Suku, aldeia ho lia nain sira.
Senhor Ministru (MEJD) mos senti kontenti ba programa KNTLU nian nebe’e hari ona sentru komunitariu aprendizajen iha suku Manuleu Dili
