Sekretáriu Ezekutiva Interinu Komisaun Nasional Timor Leste ba UNESCO Sr. Francisco Barreto ho Diretór Jerál PPTII ne’ebé Reprezenta Ministériu Edukasaun Juventude no Desportu (MEJD) asina nota akordu (MOU) ida iha Salaun Konferénsia MEJD. Iha Nota akordu nee ko’alia liu kona ba Ajuda ne’ebé hetan husi UNESCO Korea hodi apoiu MEJD atu halo Prevensaun Covid 19 ba estudante sira Ensinu Báziku iha Timor Leste.
KNTLU kontente tebes bele servisu hamutuk ho UNESCO Korea hodi Fó tulun ba ita nian estudante sira hodi hadook sira husi Moras Surtu COVID 19 ne’ebé daudauk nee Mundu Hotu Enfrenta.
Objetivu husi atividade asina akordu nee oinsá Komisaun Nasional Timor Leste ba UNESCO bele kolabora Servisu hamutuk ho MEDJ hodi apoiu material Covid-19 ba estudante ensinu Báziku sira iha Timor laran tomak liuliu ba estudante ensinu báziku sira iha Munisípiu Dili. Atividade refere mos. hetan apoiu direta husi Governu Korea liu husi Komisaun Nasional UNESCO ba Korea ho osan montante rihun rua nulu (20 Mil) Dollars ba ensinu Bajiku no Rihun Sanulu (10 Mil) ba Edukasaun non Formal hodi Produs Máskara ba Estudante sira.
Partisipa iha atividade ne’e maka Diretór Jerál PPTII, Diretór Jerál Administrasaun Finansas, Diretór Jerál Edukasaun Ensino, Diretór Nasionál sira husi MEJD, Koordenador Programa Edukasaun KNTLU nian, Sekretáriu Ezekutivu KNTLU no Exelénsia Xefe Gabinete Ministru MEJD.
