Komisaun Nasionál Timor-Leste ba UNESCO (KNTLU) servisu hamutuk ho Instituto Nacional dé Ciência é Tecnologia dé Timor-Leste (INCT) no UNESCO Jakarta organiza Workshop Dahuluk hodi halo Konsultasaun Nasionál ba implementasaun Rekomendasaun UNESCO tinan 2021 nian kona-ba Open Science ka Siénsia Aberta. Atividade ne’e hala’o iha Salaun Pusat Budaya Indonesia (PBI) Dili durante loron rua nia laran 17 – 18 Fevereiru 2025.
Siénsia Aberta reprezenta ba uma foun ba produsaun, desiminasaun, utilizasaun koñesimentu ne’ebé relasiona ba promove transferénsia kolaborasaun no inkluzaun. Iha Tinan 2021 UNESCO aprova rekomendasaun sira kona ba Siénsia Aberta, ne’ebé sai hanesan na’in istóriku ida atu garante katak koñese sintetiku bele disponivel ba ema hotu-hotu no bele asegura katak benefísiu iha Siénsia bele partilla fó igualdade ba ema hotu iha ita nian sustentavel.
Workshop Siénsia Aberta marka mós prezensa hosi Sua Exelénsia Ministru Ensinu Superior Dr. José Hornório da Costa Pereira Jerónimo hodi loke mós abertura ba workshop ne’e. Iha nia diskursu hateten Sai onra bo’ot ida mai ha’u hodi partisipa iha serimónia ida ne’e hanesan semináriu dahuluk ba Konsultasaun Nasionál kona ba Open Science, Eventu ida ne’e importante tebes atu hala’o dezenvolvimentu ba peskiza dór sira iha Timor-Leste. Ha’u hanoin Siénsia maka buat ida ne’ebé importante ita tenki hahú iha ita nian rain tanba hahú ukun an foin primeira vés ita hala’o workshop kona ba Siénsia Aberta, Tamba ne’e agradese ba INCT, KNTLU ho UNESCO Jakarta organiza buat ida importante tebes ba Timor-Leste.
Objetivu principal hosi workshop ne’e atu partilla esperiénsia no rona instituisaun sira tantu públiku nomós privadu ne’ebé mak sai hanesan detentor ba biblioteka, repozitóriu, arkivu inklui peskiza nune’e mós halo diskusaun kona-ba dezafiu ne’ebé durante ne’e sira hasoru iha prosesu implementasaun rekomendasaun UNESCO tinan 2021.
Partisipa iha atividade ne’e: Koordenadora Siénsia Aberta UNESCO Jakarta Sra. Fereshteh Rafieian, peskiza dór sira hosi instituisaun públiku, privadu no estudante universitáriu sira.
