Komisaun Nasionál Timor-Leste ba UNESCO (KNTLU) nu’udar orgaun autónomu ida, ne’ebé harii bazeia ba dekretu lei númeru 35/2023, de 31 maio. Iha IX Governu konstituisaun KNTLU tutela iha Ministériu Edukasaun nia okos, KNTLU nia mandatu mak hodi implementa programa sira hanesan; Edukasaun, Siénsia, komunikasaun informasaun no Kultura, Iha novo Governu konstituisional da RDTL, KNTLU tutela iha Ministériu Edukasaun nia okos.
Atividade promosaun anual UNESCO 2023 ne’e hanesan atividade ida ne’ebé sempre halao kada tinan dala ida(1) hodi relata atividade ne’ebé halao tiha ona iha tinan 2023 no relata planu atividade KNTLU nian iha tinan 2024, atividade prinsipal iha eventu promosaun anual tinan 2023 ne’e mak hanesan iha sertame ba estudante sira husi terseiru siklu, semináriu, expozisaun siénsia no matemátika nian iha prátika balun expozisaun livru no fotografia no mos kompetisaun prátika siénsia ba estudante sira iha mos atividade extra konsertu husi artista lokál Tony Pereira halo animasaun. Promosaun Anual ne’e hahú implementa iha tinan 2012 ne’ebé dahuluk halo iha munisípiu Manatutu no kontinua to tinan ida ne’e no sei kontinua beibeik ba munisípiu sira ne’ebé maka seidauk hetan promosaun anual ne’e rasik. Eventu ida ne’e apoiu finanseiru fundus husi UNESCO Paris no Ministériu Edukasaun liu husi servisu KNTLU.
Eventu ba Promosaun anual UNESCO 2023 ho nia tema Hariku Koñesimentu ho Programa UNESCO nian programa sira ne’e mak hanesan atu partilia informasaun kona ba programa ne’ebé maka KNTLU implementa durante inísiu to agora maka hanesan programa Edukasaun, Siénsia, Kultura no Komunikasaun. Programa sira ne’e rasik envolve moos Ministériu no Secretária Estadu sira ne’ebé maka relevante ho Programa KNTLU maka hanesan Ministériu Edukasaun, Sekretária Estadu Arte e Kultura.
Diretór Nasionál Edukasaun munisípiu viqueque Sr. Domingos Brandão hateten senti orguliu no kontenti tebes tamba programa nasionál barak hili halao iha viqueque hanesan UNESCO halao nia programa promosaun anual 2023 hau agradese teb-tebes ba KNTLU nia programa hanesan atividade sintifiku, edukativu, siénsia no teknologia tamba ne’e mk hau iha inisiativu hakarak mai partisipa eventu ne’e husu ba estudante sira tuir ho diak no seriu atu nune’e bele foti viqeuque nia naran no motiva KNTLU bele mai halo tan programa sira seluk iha viqueque no lahaluha hato obrigado wain ba estudante viqueque sira ne’ebe partisipa maske eskola feriádu hela maibe eventu sira ne’e ita prienxe ho diak.
Objetivu promosaun anual ne’e atu hasa’e koñesimentu komunidade nian kona-ba serbisu, Komisaun Nasionál Timor-Leste ba UNESCO iha area hotu, atu habelar informasaun kona-ba Implementasaun programa Edukasaun, Siénsia, Kultura no Komunikasaun no Informasaun, atu atrai profesores no alunu sira kona-ba aprende no prátika siénsia iha moris loron-loron wainhira sira ramata ona estudu iha Ensinu Sekundáriu, atu nune’e komunidade liu-liu joven sira bele koñese didi’ak sira nia kultura, no mós bele dezenvolve sira nia kultura hanesan sira nia identidade, atu fo hasa’e komunidade nia koñesimentu konaba servisu Ministériu Edukasaun nian, Atu Hatene liu tan Servisu Komunidade nian iha Sekretária Estadu arte no Kultura liga ho Kultura uma lisan no lian lokál sira, Liu husi konsertu, bele anima komunidade tomak hodi bele amizade diak liután.
Partisipante iha atividade ne’e Sekretáriu Ezekutiva (KNTLU), Diretór Nasionál Edukasaun munisípiu viqueque, reprezentante administrador munisípiu viqueque, Komandante Geral PNTL Viqueque, atoridade lokál xefe suku, aldeia, Diretór Sentru Juventude, Grupu foin sae humanista Timor-Leste(FHTL), Grupu kultura karavana, Iskuter, grupu fosca, grupu akolitus, grupu kultura babalotu uma wain kraik naiboru, profesores no estudante viqueque sira husi eskola EB 01, EB 02 kabira oan, eskola Káfe, ESG 4 de Setembru, ESG Kalisahe, ESG katolika Santo Estevão no komunidade sira no mos artista lokál Tony Pereira.
