Eventu Nasionál ne’ebe realiza durante loron rua (2) hosi 29 – 30 Abril iha salaun Delta Nova mak hanesan: Semináriu Nasionál ho tema “Dalan ba rekoñesimentu Tais nu’udar Lista Representativu Patrimóniu Kulturál Imateriál ba Umanidade” hodi partilla rezultadu sira kona-ba impaktu hosi Planu Salvaguarda Urjenti ba Tais 2022 – 2025, inklui Sertifikasaun Tais.
Iha sorin seluk, seluk realiza mos ezibisaun no prátika Soru Tais ne’ebé partisipa hosi estudante ensinu báziku III siklu iha Dili laran hamutuk atus ida nen-nulu (160) hosi eskola 16; hodi aprende prosesu soru Tais no halo prátika ba soru.
Atividade enseramentu ne’e envolve direita hosi ministériu tuteladu sira ba KOMNAS PKI-TL hamutuk ho membru rede soru na’in sira hodi afirma estatutu Tais nia ba públiku katak Taisiha ona viabilidade no sei permanese ba jerasaun sira futuru.
Iha Ámbitu enseramentu ofisiál ba asaun Salvaguarda Urjenti ba Tais ne’e Ministru Juventude, Desportu, Arte no Kultura hamutuk ho Ministru Komérsiu no Indústria, Sekretáriu Estadu ba Arte no Kultura, Korpu Diplomátiku hosi Embaixada Estadus Unidus Amérika, Philippines, Malaysia no Tailandia halo mos lansamentu ba Website KOMNAS PKI-TL https://timorlesteich.org; Website ne’e iha informasaun kona-ba KOMNAS PKI-TL, exibisaun virtual kona-ba Tais no inventáriu Nasionál kona-ba Patrimóniu Kulturál Imateriál Timor-Leste nian. Iha Sorin seluk Halo mos Lansamentu ba Livru Patrimóniu Kulturál Imateriál Timor-Leste ne’ebé governu Timor-Leste halo ona inventáriu Nasionál.
Partisipa iha eventu Nasionál ne’e, membru sira KOMNAS PKI-TL hanesan, Ministériu Komersiu no Indústria (MCI), Ministériu Turizmu no Ambiente (MTA), Sekretaria Estadu ba Arte no Kultura (SEAC), Sekretaria Eatadu ba Igualdade (SEI), Timor Aid, Fundasaun Alola, UNESCO Anthena Office Dili no UNWOMEN no marka prezensa mós hosi membru sira Asosiasaun Rede Soru Na’in hosi Munisípiu 12 inklui RAEOA no Atauro, Akadémiku no estudante sira.
