Ekipa Dezenvolve Rekursu, Divizaun Kultura Komisaun Nasionál Timor Leste ba UNESCO (KNTLU) hala’ao atividade prezervasaun istória lokál (tradisaun oral) iha lian Lolein, ne’ebé koália iha parte balun iha Postu Administrativu Remexiu-Aileu no postu administrative Cristo-Rei-Dili.
Iha atividade nee hetan partisipasaun hosi Autoridade lokál no komunidade ko’alia-nain lian Lolein, lia-nain no foin sa’e sira.
Ekipa Dezenvolve Rekursu sei nafatin servisu hamutuk ho komunidade hodi halo kompila istoria sira ba iha livru ida nuudar meiu ida atu halo preservasaun laos deit ba tradisaun oral maibé mós ba lian-nee rasik. Lia-nain no ema otas-boot sira konta istória iha lian Lolen, foin-sa’e sira halo transkrisaun iha lian Lolein no lian tetun.
Foin sa’e sir barak mak la ko’alia diak sira nia lian nee, maibé ho atividade nee motiva foin-sa’e sira atu aprende no dezafia sira atu hakerek no dezenvolve testu iha sira nia lian rasik.
