Covalima 10 de Outubro de 2024 Komisaun Nasionál Timor Leste ba UNESCO (KNTLU) servisu hamutuk ho Ministériu Edukasaun liu hosi servisu (KNTLU) divizaun Komunikasaun no Informasaun halao’o Semináriu kolia kona ba Promove no Salvaguarda Patrimóniu Mundial Dokumentál hodi Registu iha Memória do Mundu no hodi relata atividade Memória do Mundu nian iha postu administrativu suai munisípiu Covalima.
Programa ne’e hanesan desiminasaun informasaun klean kona ba Patrimóniu dokumental hanesan sasan antiga sira ne’ebe persija próteze ou valorija iha munisípiu Covalima.
Administrador Postu administrativu Suai Sr. Idelfonso Maria Amaral hateten programa ida ne’e hanesan programa UNESCO nian liu hosi servisu Komisaun Nasionál Timor Leste ba UNESCO (KNTLU) ne’e halao’o Seminariu Promove no Salvaguarda Patrimóniu Mundial Dokumentál, ba autoridade sira hosi munisípiu Covalima tenki promove dokumentasaun sira ne’ebé antigu tempo beala sira nian hodi hatudu ba mundu liu hosi registu arkivu Memória do Mundo, lahulan hato agradese n obrigado ba KNTLU no Ministériu Edukasaun bele realiza ona Seminariu ida ne’e iha postu administrativu Suai Munisípiu Covalima.
Objetivu hosi atividade ne’e atu partilia hela informasaun ba komunidade sira kona ba Promove no Salvaguarda Patrimóniu Mundial Dokumentál hodi Registu iha Memória do Mundu no halo transferensia ba digitalizasaun sasan antigu sira ne’e hodi salva dokumentu sira labele hetan estragus wainhira mosu dezastre ruma no preserva dokumentus heransa nian, oinsa Promove asesu dokumentus heransa ba asesu universal.
Atividade ne’e halao’o iha salaun postu administrativu Suai munisípiu Covalima partisipa hosi komunidade sira, autoridade lokal chefe suku no aldeia.
