Dili, 14 Agostu 2024 Komisaun Nasionál ba UNESCO hamutuk Sekretaria Estadu ba Arte no Kultura servisu hamutuk ho UNESCO Jakarta halo lansamentu ba Kompetisaun Vídeo IchLink (Patrimóniu Kulturál Imateriál Timor-Leste) iha Pusat Budaya Indonesia Dili.
Kompetisaun ne’e nu’udar programa espesiál ida hosi Internationl Information and Networking Centre for Intangible Cultural Heritage (ICHCAP), iha rejiaun ázia pasífiku.
Kompetisaun ne’e sei organiza direita hosi Locomotion Art Studio hosi Yogja Indonesia, ho nia objetivu atu enkoraja ema liu-liu foinsa’e sira explora no selebra diversidade hosi riku-soin Patrimóniu Kulturál Imateriál Timor-Leste. Liu-hosi produsaun video ne’e bele hasa’e komunidade lokál sira nia lian no prezerva patrimóniu ida úniku.
Partisipante ne’ebe mak sei manan na’in sei hetan mentoria kona-ba produsaun video, hetan konsesaun ba produsaun no hetan prémiu no vídeo sei públika iha sítiu link ichcap, partisipante hamutuk 35 mak sei tuir Kompetisaun ne’e.
