Manufahi 25/07/2024, Komisaun Nasionál Timor Leste ba UNESCO (KNTLU) servisu hamutuk ho Sekretariu Estadu Arte no Kultura (SEAK) halao semináriu iha suku foholau no orana postu administrativu Turiscai munisípiu Manufahi. Iha semináriu ne’e kolia kona ba istoria lokál iha lian ISNI programa ne’e hanesan programa ida husi KNTLU servisu hamutuk ho SEAK hodi prezerva lian lokál.
Lian hanesan elementu kulturál prinsipál ida iha komunidade nia laran. Ema presiza lian atu komunika ba malu no atu hatutan matenek, ideia, fiar, nomós tradisaun hosi jerasaun ba jerasaun. Nune’e importante tebes atu iha rekoñesimentu ba lian sira ne’e nia estadu, ezisténsia no sustentabilidade. Mezmu, lian ne’e importánsia tebes iha mundu inklui iha Timor-Leste, maibé balu hahú lakon ba daudaun tan ne’e persiza prezervasaun. Lian ISNI mos parte ida ne’ebe menus ema kolia ona iha komunidade sira iha turiscai iha suku 2 hanesan fatulao no orana mak sei kolia lian ISNI liu husi servisu KNTLU divizaun kultura nian sei halao levatementu dadus istoria lian ISNI hodi hakerek livru, dadus refere foti husi komunidade sira hanesan katuas lia nain sira ne’ebé hatene lolos istoria lian ISNI sei konta istoria no ekipa sei hakerek no rekoilia dadus.
Objetivu husi atividade ne’e Kria vokabuláriu hosi lian lokál nu’ udar referénsia ba elaborasaun disionáriu lian lokál nee rasik. Fasilita salvaguarda no promove patrimóniu kulturál (materiál no pertense ba komunidade lian ne’e, Lori estudante no foin sa’e sira ba koñese sira nia kultura no tradisaun rasik liu hosi asesu ba iha publikasaun sira kona-ba istória oral sira neebé possivelmente sei disponibiliza iha eskola no biblioteka sira no Hakerek tradisaun oral sira iha lian ISNI no TETUN hodi fasilita kompreensaun labarik estudante sira
Atividade ne’e hetan partisipa husi Sekretariu Ezekutiva KNTLU, administrador postu turiscai, xefe suku, aldeia, lia nain no komunidade sira.
