Komisaun Nasionál Timor Leste ba UNESCO (KNTLU) halao Inaugurasaun ba Sentru Komunitária Aprendizajem tolu (3) iha Região Especial de Oe-Cusse Ambeno.
Komisaun Nasionál Timor Leste ba UNESCO (KNTLU) halao Inaugurasaun ba Sentru Komunitária Aprendizajem tolu (3) iha Região Especial de Oe-Cusse Ambeno.
KNTLU liu husi Projetu Bridge inaugura sentru hamutuk tolu (3) mak hanesan SKA – Lifau Pante Macassar, SKA – Laclubar Manatuto no SKA – Knuuk ba Moris Manufahi ne’ebé halao serimónia konsentra iha fatin ida dt Oe-Cusse Ambeno loron 25/04/2024. Sentru ne’e rasik hetan inaugurasaun husi Sua Ex.cia Ministra Edukasaun Dra. Dulce de Jesus Soares.
Projetu Bridge ne’e rasik hetan apoiu fundus finanseiru hosi Governu Korea liuhosi UNESCO Korea ne’ebé apoiu fundus finanseiru ba (KNTLU) servisu hamutuk ho Ministériu Edukasaun hodi estabelese Sentru refere. iha mos apoiu fundus ba fornese Komputadór husi grupu labs Seventeen Korea nian ne’ebé apoiu Komputadór hamutuk unidade 12 ba iha sentru rua (2) mak hanesan SKA-Lifau Pante Macassar no SKA-Laclubar Manatuto.
Sentru Komunitária Aprendizajem ne’e sei fasilita komunidade hirak ne’ebé persija atu aprende ba programa mak hanesan Alfabetizasaun, Ekuivalensia no Abelidade moris nian. Ba Ita nian ferik, katuas no joven hirak ne’ebe lahatene hakerek no le’e SKA sei fasilita hodi aprende no sira ne’ebe eskola la remata iha mos oportunidade hodi aprende. SKA refere mos sei fasilita komunidade sira asesu tuir kursu hanesan lian korea, English, portugues no mos komputadór.
Objetivu husi inaugurasaun ne’e atu hetan rekonese husi Sua Ex.cia Ministra Edukasaun ba SKA – Lifau Pante Macassar, SKA – Laclubar Manatuto no SKA – Knuuk ba Moris Manufahi ne’ebé ninian konstrusaun uma remata ona, atu nune bele kontinua uja hodi halao aprendizajem ba iha programa refere ne’ebe stabelese ona iha SKA ne’e no mos bele tulun komunidade sira ne’ebe iha inisiativu atu aprende iha Sentru Komunitária Aprendizajem.
Partisipa iha atividade ne’e Diretor Jeral Ensinu Rekorente (ME), Sekretáriu Ezekutiva (KNTLU), Gabineti (ME) Raeo, F-FDTL Raeo, Diretora (ME) Manufahi, Administrador postu Laclubar, autoridade lokal xefe suku, aldeia, komunidade no amu lulik iha Região Especial de Oe-Cusse Ambeno .
