Dili 28 Outubru 2023 Sekretáriu Ezekutivu Kntlu Sr. Luís Nivio de Fátima Soares ho Koordenador Programa KNTLU marka audiénsia ho S.E. Ministra Edukasaun Dra. Dulce de Jesus Soares iha Salaun Enkontru VIP Ministériu Edukasaun nian.
Iha Audiénsia nee Sekretáriu Ezekutivu relata katak iha nonu Governu konstitusionál Komisaun Nasional Timor Leste ba UNESCO (KNTLU) tutela fali iha Ministériu Edukasaun nian okos no iha Governu anterior KNTLU tutela iha Ministériu Ensinu Superior Siénsia no Kultura. hodi nunee Ekipa KNTLU hatoo nian-nian programa no atividade ba S.E. Ministra Edukasaun.
Planu no Atividade ne’ebé maka aprezenta husi KNTLU nee liga ho atividade KNTLU nian ne’ebé iha area haat maka hanesan Edukasaun, Siénsia, Kultura no Komunikasaun Informasaun., Iha fatin hanesan Sekretáriu Ezekutivu hato’o katak liga ho atividade Siénsia nian ne’ebé durante nee servisu hamutuk ona ho INFORDEPE hala’o formasaun ba Manorin sira iha area siénsia no matemátika nomos estabelese laboratóriu 9 inklui fó treinamentu oinsá uja ekipamentu sira iha Laboratóriu ne’ebé estabelese ona., Alende nee KNTLU mós iha atividade edukasaun nian maka hanesan estabelese SKA-Sentru Komunidade Aprendizajen Sanulu iha Munisípiu ualu ho nia atividade maka hanesan abilidade da vida (life skill) no Alfabetijasaun., iha mós programa sira seluk iha KNTLU nian maka hanesan Kultura no Komunikasaun informasaun ne’ebé haree liu ba Projetu TAIS, Peskiza Uma lulik no Memoria do Mundu., liu husi Programa 4 nee maka ohin Sekretáriu Ezekutivu KNTLU ho Koordenador Programa sira Marka Audiénsia no hato’o relatóriu badak ba S.E. Ministra Edukasaun.
Partisipa iha Audiénsia nee Maka S.E Ministra Edukasaun, Sekretáriu Ezekutivu KNTLU, Koordenadór Programa 4 no Asesór sira iha Ministériu Edukasaun.
