KNTLU Kontinua Komemora Loron Mundial Siénsia No Matemátika ho Nia lema Ba Paz no Dezenvolvimentu.
Komisaun Nasionál Timor Leste ba UNESCO (KNTLU) liu husi divizaun Siénsia kada tinan sempre komemora loron Mundial Siénsia no Matemátika ne’ebé Komemora mós iha mundu international ne’ebé iha 10 Novembru sempre selebra loron mundiál Siénsia. Atividade ba komemora loron Mundial Siénsia no Matemátika hala’o hala’o durante loron rua hahú husi loron 01 to 02 Dezembru. Atividade iha komemorasaun nee maka hanesan halo Espozisaun husi Estudante sira no atividade pratika iha siénsia no matemátika husi grupu estudante no grupu manan nain sira ne’ebé partisipa iha kompetisaun hakerek no pratika. Iha mós atividade sira seluk hanesan semináriu siénsia ba Ensinu sekundáriu, Ensinu Basico no Ensinu superior sira husi Dili nomos husi Munisípiu maka hanesan munisípiu Bobonaru, Ermera, viqueque no Lautem., iha komemorasaun nee mós hetan aprezentasaun no espozisaun husi Institute petroleum geologia(IPG), Permatil, Komisaun HIV no mós treinadór dosente UNTL ne’ebé aprezenta kona ba matemátika. Aliende ne’e mós fahe prémiu no material ba grupu manan Nain sira ne’ebé tuir ona kompetisaun. Reprezentante husi Country director Santos Sr. David iha diskursu badak hateten sente kontente tanba programa siénsia matematika no teknologia hanesan area servisu importante tebes ba Santos. ne’e duni ami hare husi importánsia ida ne’e ami kontente hodi kontinua suporta nafatin atividade ida ne’e hahu kedas husi 2016 ate agora ne’ebé hamutuk tinan 6 ona ami servisu hamutuk ho (KNTLU) ho kontenti., iha biban nee mós Santos la haluha hato parabens ba eskola no grupu sira ne’ebé maka sempre vontade diak hodi partisipa iha kompetisaun Siénsia no Matemátika, saida mak imi aprende iha ne’e durante loron 2 bele fahe nafatin matenek ne’ebé ita boot sira aprende atu nune bele hadi’a diak liu tan Siénsia no Matemátika ne’ebé fundamental tebes ba dezenvolvimentu rekursu umanu Timor Leste nian.
objetivu husi husi eventu komemorasaun ne’e atu promove estudante sira bele diak liután iha prátika kona ba siénsia no matemátika no teknlogia .
Partisipa husi atividade ne’e reprezentante Ministériu Ensinu Superior Siénsia no Kultura(MESSK), Diretór Jerál ensinu rekorrente(MEJD), Diretór Jerál (SEAC), Prezidente Komisaun G (PN), reprezentante Country director Santos, reprezentante Embaixadór Japão, Koordenadora UNESCO antena Office, prezidente INCT, reprezentante (IPG), maknifiku reitór no dosente husi universidade UNTL, UNDIL no UNITAL, director eskola husi munisípiu hotu no mós polisia eskuadra dom aleixo.
Atividade Komemorasaun Loron Mundial Siénsia no Matemátika ne’e hetan suporta maxizmu husi kompañia Santos ne’ebé Tinan-Tinan sempre suporta no ajuda ba eventu komemorasaun loron Mundial Siénsia no Matemátika
