Depois Inaugura tia SKA Covalima, Bobonaru,Dili no Marobo. Komisaun Nasionál Timor Leste ba UNESCO kontinua inaugura ba (SKA) Fitun Naroman Suku Hatulia Munisípiu Ermera.
Sentru Komunitaria Aprendizajen (SKA) Fitun Naroman hanesan mos sentru sira seluk ne’ebé hari nia konstrusaun iha fasilidade sala 3 no hariis fatin, ho ida ne’e atu bele fasilita be Estudante no manorin nain sira bele hala’o atividade aprendizajen. Iha serimónia ida ne’e Sr. Francisco Barreto nu’udar Sekretáriu Ezekutiva Interinu (KNTLU) hateten katak Sentru ne’e hari atu fasilita joven no ferik katuas sira ne’ebé la remata eskola no ba sira ne’ebé lahatene lee no hakerek atu aprende diak liután kona ba alfabetizasaun nomos ba joven sira ne’ebé hakarak aprende iha area Lingua no tuir planu ba oin sei iha oportunidade atu hetan diploma iha eskola formal nee.
Iha Ámbitu Inaugurasaun ne’e mós hetan prezensa bainaka espesiál husi Korea do Sul Mr. Han, Kyung-Koo hanesan Secretary Jerál Commission National Korea For Unesco (CNKU), no iha biban nee Mr. Han, Kyung-Koo hateten katak Ohin loron hanesan oportunidade ida mai hau primeiravez hau visita iha fatin ida ne’e maske projetu Brige Timor Leste Project halao tia tinan 2022 ho biban ne’e senti haksolok bo’ot tebes bele direita asiste abertura ba serimónia inaugurasaun Sentru Komunitaria Aprendizajen Fitun Naroman Hatulia nian, nudar sentru regional ida aprendizajen iha timor leste.
Sentru Komunitaria Aprendizajen (SKA) nee rasik atu fo tulun ba Inan aman sira no Juventude sira ne’ebé maka la konsege halo hotu sira nian estudu iha ensinu Báziku hodi kompleta fila fali sira nian estudu ne’ebé maka sidauk remata iha ensinu báziku., iha soring seluk SKA refere Kontinua fo formasaun Lingua no Abilidade de moris ba Komunidade sira ne’ebé maka Presiza atu aumenta sira nian Koñesimentu. Atividade Inaugura ne’e inaugura husi Ministru Ensino Superior, Siensia no Kultura neebe Reprejenta husi Direktu Jeral Ensinu Superior partisipa iha Inaugurasaun nee maka Secretary Geral Commission National Korea For Unesco (CNKU), Sekretáriu Ezekutiva Interinu (KNTLU), Diretora Jeral Ministru Ensino Superior, Siensia no Kultura , Parlamentu Nasional Komisaun G, prezidente autoridade Munisípiu Ermera, administradór Postu Hatulia Munisipiu Ermera, amu lulik parókia hatulia, Konante Polisia Timor Leste Postu hatolia, Lider Lokal Hatulia,Estudante SKA Hatulia no komunidade sira.
