Covalima 15 de Juñu de 2022 Komisaun Nasionál Timor Leste ba UNESCO (KNTLU) husi divizaun Komunikasaun no Informasaun halao’o semináriu ba autoridade lokal sira hanesan Xefe suku, aldea no Lia nain sira durante loron ida tomak iha Posto administrativu Covalima kolia kona ba Salvaguarda Patrimóniu Mundial Dokumentál.
Programa ne’e hanesan destiminasaun informasaun husi Ministeriu Ensino Superior, Siensia no Kultura (MESSK) ne’ebé liu husi servisu KNTLU atu partilia informasaun klean kona ba dokumental sasan antiga sira ne’ebe persija proteje ou valorija sasan hirak ne’e atu rejistu dadus ba iha arkivu antiga sira no próteze arkivu antigu sira iha Munisípiu Covalima.
Iha Semináriu ne’e rasik hetan partisipa husi delegado administrador Covalima, Xefe Suku, Aldea no Lia nain sira. Partisipante hirak ne’e senti kontenti tamba semináriu ne’e importante ba sira tamba ba oin sira bele hatene ona sasan antiga sira ne’e persija proteje no valorija diak liu tan persija rai iha fatin ne’ebe ho seguru no rejistu dadus ba iha arkivu antiga sira.
Objetivu husi Semináriu ne’e atu partilia informasaun ba autoridade lokal sira kona ba promove no salvaguarda patrimóniu mundial dokumentál hodi Registu iha Memoria do Mundu no atu promove sasan antigu sira no salva dokumentu sira hotu hodi labele hetan estragus.
