Ministériu do Turismo Comércio e Indústria (MTCI) servisu hamutuk ho USAID hala’o formasaun negósiu ba Grupu Indústria Tais ne’ebé sei hala’o durante semana ida iha dia 30 Maiu to 04 Juñu 2022 iha Centro Indústria Matadouru Dili.
Formasaun refere hodi hanorin hikas Grupu Indústria Tais sira oinsá bele hala’o negósiu atu fan produtu tais iha merkadu no hetan rendimentu ho diak. Iha Abertura formasaun ne’e Sekretáriu Ezekutivo Komisaun Nasionál Timor Leste ba UNESCO (KNTLU) Sr. Francisco Barreto hanesan mos reprezentante Prezidente Patrimóniu Kultura Immaterial (PKI) hateten katak Tais timor hanesan identidade timor nian liu husi servisu KNTLU lori Tais Timor hetan ona rekoñesimentu iha UNESCO PARIS, hanesan salva guarda ba ita nia tais tan ne husu ba grupu indústria tais sira atu valorize ba produtu tais ho kualidade. No la haluha mós hateten ba Grupu Indústria Tais nian katak formasaun ne importante tebes ba sira atu nune’e sira bele hetan lisaun foun ida kona ba negósiu tais nian iha Futuru.
Atividade formasaun ne’e hetan partisipasaun maximu husi Sua Exelénsia Ministru (MTCI), Diretór USAID Timor Leste, Sekretáriu Ezekutiva Komisaun Nasionál Timor Leste ba UNESCO (KNTLU) no Grupu Tais sira husi Munisípiu hotu.
Objetivu ba atividade ne’e atu hanorin ba grupu indústria tais sira kona ba importánsia negósiu Tais. No husi negósiu nee bele fasilita fali grupu sira hodi hetan material ruma hodi reforsa sira nia negósiu nee rasik.
