Durante tempu barak nia laran Komisaun Nasionál Timor Leste ba UNESCO (KNTLU) husi ekipa kultura hala’o peskiza dadus uma lulik iha Munisipiu Lautem. validasaun Uma – Lulik iha postu administrative Lautem hetan ona rezultadu diak maski dadus Uma-Luik sidauk kompletu maibé hetan ona rezultadu provizóriu hamutuk 295 Uma – Lulik husi suku sanulu iha Postu administrativu Lautem. Dadus ba Uma – Lulik ne’e rasik ekipa devisaun kultura(KNTLU) foti direita iha treinu liu husi kooperasaun xefe Suku ,xefe Aldea, Lia Nain no komunidade sira ne’ebé iha suku 10 maka hanesan Suku Mania I, Mania II, Parlamentu, Daudere, Irilai, Serlau, Equesi, Pairara, Com no Baduru. Tuir planu programa Kultura (KNTLU) sei foti tan dadus Uma – Lulik iha posto administrativu Lospalos hodi kompleta Dadus Uma Lulik Munisipiu Lautem nian.
Validasaun Dadus Uma Lulik ne’e hala’o iha salaun postu administrativu Lautem no hetan prezensa husi Diretór Jerál Arte no Kultura (SEAK) no Sekretáriu Ezekutiva Interinu (KNTLU). Iha aprezentasaun validasaun dadus nee Diretór Jerál arte no kultura la haluha hato agradese ba Ekipa Tékniku Kultura (KNTLU) nian ne’ebé servisu makas hodi rekolla ona dadus validasaun Uma – Lulik iha postu administrativu Lautem no kompleta ona Ministériu Ensinu Superior siénsia no Kultura nian servisu.
Objetivu husi Validasaun dadus uma-Lulik ida ne’e atu hala’o konfirmasaun ba dadus validasaun Uma – Lulik iha postu admistrativu Lautem ne’ebé mak sidauk kompleta. No ho aprezentasaun ne’e mós atu hetan klarifika loloos husi xefe Suku, xefe Aldeia, Lia Nain no Komunidade sira ne’ebé partisipa hodi kompleta liu tan ba dadus validasaun Uma – Lulik iha postu administrativu Lautem nian.
Atividade ne’e hetan partisipasaun husi Diretór Jerál Arte no Kultura, Sekretáriu Ezekutiva Interinu (KNTLU), Administradór postu Lautem, Komandante Eskuadra postu Lautem, reprezentante Director ChildFund, Autoridade local xefe suku, xefe aldea, lia nain, xefe juventude lautem, komunidade no estudante sira. Validasaun dadus refere iha mos fahe sertifikadú apresiasaun ba Asistente tékniku Kultura nain 10 husi postu admistrador Lautem no Tuir Planu Atividade ne’ebé hanesan sei halo iha munisípiu viqueque iha tempo badak ne’e hodi konklui hotu ona hein halo validasaun iha munisípiu Viqueque nian mos. Atividade nee Hetan suporta tomak husi UNESCO Paris, Ministériu Ensinu Superior Sensia no Kultura nomos sekretáriu Estadu Arte no Kultura.
