Ministériu Edukasaun liuhosi servisu Komisaun Nasionál Timor Leste ba UNESCO (KNTLU) ekipa divizaun Siénsia kada tinan sempre komemora loron Mundial Siénsia no Matemátika ne’ebé Komemora mós iha mundu international iha 10 Novembru sempre selebra loron mundiál Siénsia. Komemorasaun ne’e, hala’o ona ba dala-12 ona. iha tinan ne’e komemorasaun loron Mundial Siénsia no Matemátika hala’o durante loron tolu hahú hosi loron 01 to 03 Dezembru iha Maubisse Rabilau EBC Rimori .
Komemorasaun Loron Mundial Siénsia no Matemátika ne’e hetan suporta maximu hosi kompañia Santos ne’ebé Tinan-Tinan sempre suporta no ajuda ba eventu komemorasaun loron Mundial Siénsia no Matemátika
Atividade iha komemorasaun ne’e maka hanesan halo Espozisaun hosi estudante sira no atividade prátika iha siénsia no matemátika hosi grupu estudante no grupu manan nain sira ne’ebé partisipa iha kompetisaun hakerek no prátika. Aliende ne’e mós fahe prémiu no material ba grupu manan Nain sira ne’ebé tuir ona kompetisaun.
Eventu ida-ne’e konsidera iha papél signifikativu tanba bele promove siénsia ba komunidade globál. Alende ne’e, introdús mós ba komunidade papél importante balu husi peskiza sientífiku liga ho desizaun lideransa nian. Nune’e, komemorasaun Loron Mundiál Siénsia (LMS) mak nu’udar oportunidade di’ak atu involve komunidade no akademista sira hodi halo diskusaun no debate iha públiku kona-ba kestaun sientífiku balu liga ho problema globál. Tema ba Komemorasaun ba tinan ne’e mak “Globál Science for Globál Well-being” Siénsia Globál ba moris di’ak globál.
Reprezentante hosi Country director Santos Sra. Reinalda hateten senti kontenti no orgullu tamba doasaun ne’ebé ami fo rezultadu hatudu duni balu hahú hosi estudante to professor hakarak hanorin estudante sira nune atu hatene, ida ne’e mak Santos nia objetivu no nia prezensa iha komunidade, atividade ohin loron ne’e bele fo oportunidade ba joven sira atu aprende nune sira bele explora sira nia a’an nune bele prepara ba futuru bele kompete iha servisu , ida ne’e hanesan faze preparasaun diak ida. dala ida tan senti orgullu tebes ba atividade loron Mundial Siénsia no Matematika no lahaluha hato apresiasaun no parabens ba Komisaun Nasionál Timor-Leste ba UNESCO ekipa Sesim ne’ebé halo’o servisu makas tebes ba eventu ida ne’e no parabens mos ba mestri, estudante no komunidade sira ne’e partisipa iha atividade ida ne’e ho diak .
Objetivu ba atividade ida ne’e atu Promove Siénsia no Matemátika hanesan área ne’ebé signifikativu ba kanorin sira hodi konsidera iha futuru, Kolabora hodi Identifika problema sira-ne’ebé relasiona ho problema ambientál, saúde públika, seguransa ai-han, dezenvolvimentu ekonomia iha komunidade no eskola hodi oferese solusaun no atu hasa’e interese manorin no kanorin sira atu halo peskiza no uza aplikasaun teknolojia hodi enrikesa estudante sira nia pensamentu krítiku ba Timor-Leste ida di’ak liu.
Partisipante sira hosi nivel ensinu báziku siklu 3, Sekundáriu, Universitariu nomos mestre/a sira ne’ebé hanorin iha área Siénsia naturais no Matemátika nomos konvidadu hosi ministériu Edukasaun no instituisaun relevante sira.
