Dili, 15 Novembru 2024
Komisaun Nasionál Timor-Leste ba UNESCO hamutuk ho Sekretaria Estadu ba Arte no Kultura, Sekretaria Estadu ba Komunikasaun Sosiál, Sekretaria Estadu ba Igualdade, Instituto Nacional da Estatistica de Timor-Leste, IP realiza workshop Nasionál ho tema: Hasa’e Komprensaun Kona-ba Konvensaun UNESCO 2005 liu-hosi QPR 2024 (Quadrennial Periodic Report), iha Salaun Ian Martin INFORDEPE Balide Dili.
Realizasaun ba workshop ne’e iha ámbitu komunikasaun no divulgasaun kona-ba rezultadu hosi Timor-Leste nia QPR iha tinan 2024 ho objetivu atu konsolida parseiru interesada sira ne’ebé estabelese durante prosesu elaborasaun QPR no halibur membru ekipa nasionál sira, atu nune’e bele finaliza planu asaun ba Implementasaun rekomendasaun sira ne’ebé inklui iha QPR.
Iha workshop ne’e asuntu oi-oin sai tópiku ba diskusaun mak hanesa: Konseitu xave sira hosi Konvensaun UNESCO 2005 nian no trasa importánsia hosi QPR, fahe esforsu envolvimentu multi-parte interesada no trasa papél SEAK, SECOMS No SEI nian iha implementasaun Konvensaun UNESCO 2005 nian, Importansia hosi data no estatístika, Atinjimentu no dezafiu sira kona-ba protesaun no promosaun ba diversidade espresaun kulturál iha Timor-Leste no Inventáriu nasionál kona-ba Patrimóniu Kulturál Imateriál (PKai) no Plataforma ICHLINK.
Iha ámbitu workshop ne’e loke mos dokumentáriu kona-ba PKI Timor-Leste nian ne’ebé mak timoran sira produz liu-hosi ICHLINKS Vídeo Competition no iha tempu hanesan anunsia rezultadu ba Manan na’in sira mak hanesan:
Primeiro Lugar: The Rise of Genre Tebe-Tebe: A song of Ancestors from Timor-Leste hosi Janio Tilman & Domingos Flaviano Belo Correia Freitas
Segundo Lugar: Produksi Instrument Babadok hosi Silvano Rodrigues Xavier
Terceiro Lugar: Traditional Knowledge of Uma Lulik and Its Cultural Sites hosi Grazela Maria Albino
Partisipa iha workshop ne’e reprezentante hosi instituisaun governu, grupu sosiedade sivil, artista no profesional kultura sira iha ramu artístika oi-oin.
