Komisaun Nasionál Timor Leste ba UNESCO (KNTLU) servisu hamutuk ho Ministériu Edukasaun no Sekretáriu Estadu Arte no Kultura halo komfirmasaun no validasaun ba dadus Uma lulik iha suku ha’at (4), Ahik, Dilor, Laline no Uma-Tolu postu administrativo lakluta Munisípiu Viqueque.
Liu husi ekipa Divizaun Kultura (KNTLU) rekoila ona dadus uma lulik provizoriu total 82 uma lulik iha suku ha’at(4) postu lakluta munisípiu viqueque. ekipa kultura(KNTLU) foti direitamente ba dadus uma lulik hirak ne’e iha tereinu liu husi kooperasaun xefe Suku ,xefe Aldea, Lia Nain no komunidade sira, komfirmasaun ba dadus refere hodi komfirma lolos katak nain ba uma lulik ne’e los ou lae no naran uma lulik ekipa rekoila los klae hanesan ekipa foti iha terenu.
iha atividade ne’e Sr. Administrator postu lakluta hateten programa ne’e laos foin lao ohin maibe programa ne’e lao durante tinan 2 nia laran hodi identifika uma lulik hira mak iha postu lakluta, ohin ita rona rezultadu husi ekipa kultura(KNTLU) hodi hatene lolos uma lisan hira mak iha ona dadus no hira mak sedauk iha dadus hirak ne’e tinan oin sei lao nafatin par halo kompleta dadus hirak ne’e no ita sei hatene uma lisan hirak ne’ebe uja material hanesan dut ou uja ona modernu hanesan rin tau simenti. hau fo obrigado no agradese ba Komisaun Nasionál Timor Leste ba UNESCO tamba bele halo ona programa ida kona ba dadus uma lulik no rekoila ona dadus uma lulik iha lakluta.
Objetivu husi Validasaun dadus uma-Lulik ida ne’e atu hala’o konfirmasaun ba dadus validasaun Uma – Lulik iha postu admistrativu Lakluta ne’ebé mak sidauk kompleta. No ho aprezentasaun ne’e mós atu hetan klarifika loloos husi xefe Suku, xefe Aldeia, Lia Nain no Komunidade sira ne’ebé partisipa hodi kompleta liu tan ba dadus validasaun Uma – Lulik iha postu administrativu Lautem nian.
Partipa ba atividade ne’e Administrador postu Lakluta, Polisia Exkuarda Postu Lakluta, xefe suku, aldeia no komunidade sira. atividade ne’e halao iha salaun parókia Santo Antonio Lakluta no hetan apoiu finanseiru husi Ministériu Edukasaun no UNESCO Paris liu husi servisu (KNTLU) no Sekretáriu Estadu Arte no Kultura.
