Dili 02/10/2023 Ekipa divizaun Edukasaun KNTLU nian ba projetu Bridge halao’o enkontru ho Sekretáriu Ezekutivu Komisaun Nasionál Timor Leste ba UNESCO (KNTLU) kolia kona ba planu orsamentu ba etapa segundu 2025 -2029 ne’ebé sei foka liu ba iha atividade programa hanesan Alfabetizasaun, Abilidade da vida no Ekuivalnesia. orsamentu ba programa ne’e hetan suporta apoiu orsamentu husi Korea National Commision for UNESCO (KNCU) ne’ebe liu husi servisu KNTLU nian.
Iha etapa primeiru Projetu Bridge hari ona Konstrusaun ba Sentru Komunitáriu Aprendizajen (SKA) iha Munisipiu 5 mak hanesan Dili, Bobonaro, Covalima, Ermera no Viqueque. Tuir planu projetu Bridge sei hari SKA iha 13 munisipiu nia laran. iha munisipiu balu hahu hela faze prosesu konstrusaun nia laran no balu iha tempo badak nia laran sei halao’o inaugurasaun ba SKA munisipiu Liqueça, Manufahi no Ainaro.
Aliende ida ne’e Sekretáriu Ezekutivu (KNTLU) Sr. Luís Nivio de Fátima Soares hateten ba iha planu oin mai sei halo strategia ida foka ba atividade programa Alfabetizasaun, Abilidade da vida no Ekuivalensia iha SKA sira ne’ebé hari ona iha munisipiu atu nune’e bele dezenvolve literársia no tulun ferik, katuas sira no joven sira ne’ebe iha inisiu atu aprende.
Objetivu husi enkontru ne’e atu halao’o planu strategia ne’ebé diak atu reforsa ativida ba iha programa Alfabetizasaun, Abilidade da vida no Ekuivalnesia atu nune programa refere bele ativu iha SKA sira hotu no prosesu aprendizajen bele lao ho diak.
Partisipa ba iha inkontru ne’e Sekretáriu Ezekutivu, Koordenador Edukasaun, Koordenador Projetu Bridge, Koordenadora Finansas no staff ekipa projetu Bridge. Inkontru ne’e halao’o iha Edifisiu sala enkontru KNTLU Rua Bairupite Kampaun Lanud – Tat ( Behind President palace).
