Divizaun Komunikasaun no informasaun husi Komisaun Nasionál Timor Leste ba UNESCO (KNTLU) hala’o semináriu Promove no salvaguarda Patrimóniu Mundial Dokumentál iha munisípiu Manufahi ne’ebé hala’o durante loron ida tomak hodi relata atividade Memoria do Mundu nian.
Iha Semináriu ne’e rasik atu partilia hela informasaun kona ba salvaguarda Patrimóniu Mundial Dokumentál hodi registu iha Memoria do Mundo, informasaun hirak ne’e importante tebes ba komunidade sira ne’ebé menus hela informasaun atu nune sira bele hatene oinsa bele prezerva sasan antiga hirak ne’e halo ba digitalizasaun atu nune’e bela salva husi dezastre ruma no sei sai hanesan memoria ida ba jerasaun foun sira hodi bele asesu no hare, Alende semináriu Iha mos aprezenta dadus memória do mundu ne’ebé durante ne’e ekipa Tékniku sira rekolla iha munisípiu manufahi. Programa ba salvaguarda Patrimóniu Mundial Dokumentál ne’e hanesan programa ida ne’ebe husi Ministeríu Ensinu Superior Siensia no Kultura (MESSK) liu husi servisu Komisaun Nasionál Timor Leste ba UNESCO (KNTLU).
Objetivu husi semináriu ne’e hanesan atu partilia informasaun ba komunidade sira kona ba promove no salvaguarda patrimóniu mundial dokumentál hodi registu iha Memoria do Mundu halo transferensia ba digitalizasaun sasan antigu sira ne’e no salva dokumentu sira hotu hodi labele hetan estragus. Atividade ne’e partisipa husi komunidade, estudante, lia nain no autoridade lokal.
