Intrudusaun
Komisaun Nasionál Timor-Leste ba UNESCO (KNTLU) nu’udar figura autónomu ida ne’ebé sai hanesan parseiru ho governu Timor-Leste. Ida-ne’e harii atu implementa programa sira UNESCO nian iha Timor-Leste, hanesan edukasaun, siénsia, kultura, no komunikasaun, no serbisu iha parseria ho ministériu relevante sira, ONG nasionál no internasionál sira, no parte interesada prinsipál sira seluk.
Komisaun Nasionál Timor-Leste ba UNESCO (KNTLU) harii iha 23 Abril 2009. Maibé nia baze legál foin aprova iha Konsellu Ministru bazeia ba dekretu lei nú. 35/2023, 31 Agostu 2023, iha IX governu konstitusionál estruturalmente KNTLU iha Ministériu Edukasaun nia okos.
UNESCO maka hanesan Organizasaun Nasoins Unidas nian ba Edukasaun, Siénsia no Kultura. Ida-ne’e maka ajénsia espesializada ida hosi Nasoins Unidas (ONU) ne’ebé promove kolaborasaun internasionál iha edukasaun, siénsia, kultura, no komunikasaun hodi haburas dame no dezenvolvimentu sustentável.